独家丨刘威煌揭乞人憎旧史：以前样衰又自大 E-Kids Alan玩《中年2》冇老前辈包袱

TVB《中年好声音2》极受过气歌手欢迎，同样43岁的第一届《超级巨声》第5名刘威煌、组合E-Kids成员林咏伦(Alan)都冲去报名。威煌直言戴晒「头盔」去「洗底」，希望能搣甩样衰、自大、乞人憎的感觉；至于Alan坦言冇咗《全民造星III》「老前辈」的包袱，可以真正享受测试实力的舞台。采访：方骞平 摄影：朱伟彦(刘威煌) 场地：The Stadium(林咏伦)、Arcadia(刘威煌)

刘威煌搵返勇气参加歌唱比赛，形容如同更生人士再次投入社会，要面对好多难关。

林咏伦会平常心作赛，只会玩多一次，唔会「磨烂席」。

威煌有好多包袱，故于last minute才报名。

希望大家重新认识他。

反而唔追求名次。

威煌享受每次演出机会。

Alan人生好有目标。

𠵱家更要加把劲。

林咏伦签咗新公司有新的目标。

Alan主力内地发展。

2009年巨星帮出身的刘威煌被前辈区永权游说参赛，但于last minute才报名，直言因为有太多经历被吓窒，但又怕将来会后悔，内心好挣扎：「人一世物一世唔理得咁多，最重要把握到3、4分钟，表达到自己『故事』，希望大家睇到我进步，而唔系好似以前咁九唔搭八。」

刘威煌海选时演绎侧田《情歌》，自嘲表现失准好核突，但获3大评审激赞。

热爱音乐嘅刘威煌从冇放弃过唱歌，不时跟前辈区永权「合体」做网上直播。

不甘被网络攻击

刘威煌唔再同网民搞对抗，更踩埋自己一份：「过往好执著，就连批评我个样似电影《九品芝麻官》嘅奸角『常威』都嬲餐死，唔甘心被网民攻击，负面情绪搞到收埋自己兼转行(2016年转行经营珍珠奶茶店)，𠵱家会同自己讲『都好呀！有人记得好过乜都冇。』其实只要设身处地谂多啲，就会明白，除非你好有价值，否则世上冇嘢值得去诬捏。」

威煌曾受TVB力捧，与林师杰、许廷铿、陈鸿硕组成「Super 4」。

以前经常扮rock。

威煌2009年巨星帮出身。

曾开过个唱。

刘威煌不甘遭网络攻击而转行，2017年投资500万成为台湾茶饮品牌的香港总代理。

无心冒犯罗力威

刘威煌觉得以前嘅自己好唔顺眼，「以前个头染到又红又蓝，成日着皮褛扮rock，但根本rock唔起，所以咪畀人取笑系『流rock王』罗；又试过好心做坏事，因为战友介怀同场嘅fans唔够《亚洲星光大道》冠军罗力威多，我就喺社交网留言鼓励话『我哋系实力股！』，无心冒犯只系撑朋友，结果社交网被轰炸，自此人气下滑，时至今日仍然抹唔走『实力股』呢个花名。」刘威煌提旧史越讲愈嬲自己，「唉！事发时都成31岁人，脑囟都未生埋，仲嬲人哋歪曲我本意。」学会放下的刘威煌，自知以往乞人憎，评语离不开自大、样衰、沟通唔到，「希望大家高抬贵手试吓重新认识我，比争夺名次更重要，其实我只系不擅表达，哪里来的自大呀？」

2009年《亚洲星光大道》冠军罗力威红咗多年，有唔少铁粉。

罗力威系《亚洲星光大道》冠军。

冇同曾志伟单声

另外，Alan 3年前以40岁「高龄」挑战过《造星III》，他称对手太年轻，今次搵到一个真正属于自己嘅「战场」：「其实布志纶都问过我，『点解比赛时要迁就班女仔个key？唱啲歌又唔熟识？』但冇所谓啦，唔想畀人觉得恃住系『老前辈』。」他强调今次参赛，事前冇向TVB「曾总」曾志伟(前Stareast老板)「打招呼」：「咁小事唔好惊动佢啦，靠关系走唔到几远，而且自己又唔系冇目标，𠵱家我签咗一间新公司向内地发展，公司对我好有信心，头炮揼本100万，11月于广州举行小型演唱会，又拍摄讲心路历程嘅微电影《锐变》及出新歌。」

43岁 Alan继续追梦，并以师傅谭咏麟的《一生中最爱》参赛。

Alan唔计较能否打入100强。

3年前Alan以40岁之龄参加《造星III》，同组参赛者是陈苇璇、Mischa及顾定轩等。

《造星III》不是Alan年纪嘅比赛舞台。

Alan期望藉住参赛，向圈中人带出永不放弃的讯息，并有感而发：「做呢行真系唔容易，好多『键盘战士』叫我脚踏实地打份工，其实放咗20年喺呢行唔系话转就转，白费咗20年时间咪更加认输？我系『红裤子出身』更加珍惜演出，年纪越大只会越勤力去追返啲时间。」

16年，E-Kids曾经重组，翌年1月举行《E-KIDS 3XL Concert》，但3子再难合体。

Alan常做直播。

新公司仲投资为Alan拍微电影《锐变》。

Alan与E-kids旧队友郁礼贤去年初再合体，改名E-Kai想重新出发，二人拍新歌《I know they know》MV。新歌MV预埋「Jackdai」戴铠霖。

Alan加盟新公司在内地发展，11月于广州举行《何事我会妒忌》小型个唱。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ