专栏｜小球会卢顿征英超值得期待

英超就快开锣，今季嘅升班马除咗大家近年都睇惯睇熟嘅般尼同锡菲联之外，仲有一队10年前仲喺英乙嘅卢顿。卢顿系一支小球会，主场更因为唔符合英超规格而要重建，亦因为未完工，令佢哋第一场嘅主场比赛要延期。

风格上，卢顿系一支防守型球队，入波一向唔算多，上季排英冠第3，但就只入得57球，其中擅长头槌的射手卡尔顿摩利斯一个人已经入咗20球。今季佢哋都尝试增兵，以破球会纪录由狼队签入左闸赖恩基里斯，佢上季被外借去英冠米杜士堡都交出咗11个助攻，似乎可为摩利斯提供唔少支援。到底卢顿今季首战英超会表现成点？大家拭目以待喇！   佩芝

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ