李玟CoCo丧礼丨告别式将有9位好友致悼词 李思林为妹妹撑下去：我唔想再喊
2023-07-31 12:35 
华人天后李玟的丧礼今日于香港殡仪馆举行，六时设公祭仪式，供来自世界各地的歌迷来送李玟最后一程。连日来李玟的家人为其丧礼打点，告别仪式亦会于下午4时在网上直播。 二家姐李思林昨日接受《东张》的访问， 她坦言：「妹妹喺度嘅时候，系一个快乐嘅小天使，佢走嘅时候，都希望佢做一个快乐嘅小天使。」
【相关阅读】：李玟CoCo丧礼｜灵堂现场实况曝光 10字挽额令人伤感 内地天后花牌送抵灵堂外
【点击睇李思林访问】：
李玟于本月5日离世，终年48岁，对于妹妹突然离世，二家姐李思林当然难以释怀，在访问期间多次落泪，她说：「我觉得妹妹已经走咗，好难评点解要咁，又或者点解而家要发生，反而我希望自己能做到，我知道系好困难，因为每一日起身，我都同妈咪讲，点解我哋要继续？我哋都谂到，唔知以后嘅日子要点样过，以前有一个推动力，作为妹妹嘅一个好榜样，其实做家姐嘅当然希望系妹妹嘅好榜样，我冇办法做到，而家都唔知做边个嘅好榜样，所以都谂紧以后嘅日子系点样过。」
李思林更自责地说：「我冇法子改变佢对某啲嘢嘅唔开心，我自己都系过来人，我好记得曾经做过一个访问，我都好清晰地讲希望自己系粒小种子，希望有人畀机会我去发芽，呢粒系乜嘢种子呢？人生经过好多谷底，我冇谂过嗰个谷底都未系最低，我而家先系最低。我而家都要谂吓末来呢粒已经播咗种嘅种子，能唔能够发芽，我希望自己可以正面帮到好似我妹妹嘅人，喺好唔开心嘅情绪中出嚟。我都唔知自己做唔做到。」
主持人问到李玟身后事进展如何，李思林感谢有专业人士朋友协助：「我唔想再喊，我知个妹唔想我不停咁，呢个系负能量，佢对住人永远都系正能量，我都要学吓佢。过程系好困难，好似有粉丝掟啲片畀我睇，我又喊一次；公司畀啲片我睇，又喊一次；听佢啲歌嘅剪辑，又喊一次，好朋友讲佢嘅剪辑，又喊一次，有9个人嘅讲稿，我又喊一次，我可能每日都喊10几次，我唔知几时先会唔喊，对我嚟讲呢个唔系一个项目，好难将佢变做一个项目嘅心情去处理，唯有尽量去克服。」
李思林还坦言每晚都睡很少，不停想起跟妹妹的点点滴滴：「佢走之前嗰几晚，我哋成日都一齐，佢张床令我记起妹妹同我讲过啲乜嘢，我觉得自己冇好好处理佢啲衫呀，因为佢同我锺意啲乜嘢裙呀，不过唔紧要，呢啲都系物件，可以买过啲新。」问到妈咪目前情况？李思林说：「麻麻哋喇，始终佢都80几岁，呢几日佢生日都话以后唔再庆祝，我明白佢嘅心情，对佢嚟讲，个心好似畀人挖咗个窿，一个老人家，好难系『白头人送黑头人』。」
最后李思林说：「妹妹喺度嘅时候，系一个快乐嘅小天使，佢走嘅时候，都希望佢做一个快乐嘅小天使。压力好大，自己都可能要睇睇心理辅导师，尽力喇，我妹妹继续系我嘅推动力，由细到大，佢都系我嘅推动力，我哋嘅童年系好困难，而家好唔困难，但系佢已经喺度，我唔识点讲，只能够努力继续做好，希望自己能够接受到呢个挑战。」
【其他文章】：
李玟CoCo丧礼丨明设灵家人预告直播灵堂实况 老公继女或现身致悼念词成焦点
CoCo李玟逝世丨李思林暂放丧妹哀伤如常工作 曝光一神情令人心疼
CoCo李玟逝世丨丧礼明香港殡仪馆举行 粉丝提前送花牌5个字道尽思念之情
CoCo李玟逝世丨粉丝买巴士站广告送偶像最后礼物 精心选图骄人成就逐样数
CoCo李玟逝世丨李玟老公Bruce发声明称不会争产 称有人恶意造谣保留追究权利
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应