孙慧雪生B血淋淋纪录全公开！9磅细仔震惊医护 无敌马场景病房待产
2023-07-29 23:00 
现年41岁的孙慧雪今年1月初七人日宣布陀第二胎，虽然陀B初期一度要每日去打安胎针，但B仔在孙慧雪肚内健康成长，而且其孕肚竟达45寸，非常夸张！孙慧雪周三宣布再度添丁，细仔面珠胀卜卜，睇身形就知道是巨B。今日（29日）孙慧雪在社交网分享生仔vlog，还注明：「生仔过程全纪录，惊就唔好睇啦！」孙慧雪同时透露细仔出生有9磅重，还笑说：「生完个肚都好似有五个月咁。」
【相关阅读】：孙慧雪细仔出世可爱样曝光 身形超大码面珠胀卜卜
【点击睇孙慧雪诞巨B全纪录】：
孙慧雪在社交网贴短片外，亦撰写长文分享再做妈妈的感受：「非常感谢大家的祝福，恕未能一一回覆，但您哋嘅心意我收到晒啦！解答返大家问题先，细佬仔出世有九磅重，同哥哥出世个size差唔多，因为两胎都比较大，所以我嘅腹直肌松晒，生完个肚都好似有五个月咁，所以今次要花啲功夫收身啦！」不过孙慧雪指目前最重要是吸收更多营养：「不过收身系其次，目前最重要都系吸收多啲营养，等我可以提供啲优质母乳畀BB，亦因为佢体格较大，对奶量嘅需求都比较大，所以我呢几日差唔多饮咗平时半年嘅汤水😅」
囝囝同老公争改名
相隔六年再度生B，孙慧雪笑说要重新适应凑B节奏：「相距六年，要重新适应返凑BB嘅节奏，真系有啲忙，所以朋友们，等我坐完月出关再聚啦！」孙慧雪还笑说大仔与老公争改外，所以细仔仍未有名字：「细佬仔叫咩名？唔……因为爸爸同哥哥，争住帮佢改名而未达成共识😅迟啲有共识，再话俾大家知！」孙慧说感激医疗团队同时，还大爆护士都觉得细仔喊声好大：「谢谢我的医疗团队极速帮我进行剖腹产，等我超级快同BB见面，亦感谢护士们对我同BB嘅悉心照料，姑娘话BB啲喊声真系好大，响绝婴儿室😂打扰了！」
片短见孙慧雪在养和医院对着无敌马场景待产，镜头一转就进入产房，老公罗天彦（Edwin）亦有陪伴在侧，孙慧雪还表示比起上一胎，今次感受到更多BB的郁动。虽然孙慧雪显得相当紧张，但老公公亦全程紧握住孙慧雪的手安慰老婆，又为孙慧雪整理头发，为与BB影第一张靓相！转眼间孙慧雪细仔已经出世，老公镜头还对准BB出世的一刻，不过片段就好细心，将血淋淋的生B画面作黑白处理，在场人士见到B大都直呼：「哗！好大呀！」虽然B仔出世爆喊，在孙慧雪摸了B仔面颊两下，B仔就安静下来，母爱力量果然好伟大！
【其他文章】：
孙慧雪临盆在即体重飙升至呢个数 孕肚竟达45寸坐卡位都冇空隙
孙慧雪挺巨肚落手落脚为囝囝搞奢华生日会 一家三口家庭装变「滑嘟嘟」？
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应