独家丨龚嘉欣做生意紧要冇时间拍拖 40岁前建立饮食王国

2023-07-28 07:00

龚嘉欣在剧集《灵戏逼人》跟张振朗有一段人鬼恋，轻松搞笑令观众好受落。另外，下月将再荣升老板娘的她，跟日籍甜品师松冈哲也的关系似乎已降级，她强调事业行先，更计划在饮食界大展拳脚，将感情事放埋一边。采访：杜杜摄影：朱伟彦发型:Sue Cheung 化妆:Henry Li 场地:Glasshouse Greenery (Victoria Dockside K11 Musea)

嘉欣笑言仍未习惯被叫老板娘，觉得称呼嘉欣会更顺耳。

对于《灵戏逼人》被指跟多部影视作品撞名或撞概念，嘉欣就有另一种睇法，「反而有观众同我讲觉得系进化版，以往《大闹广昌隆》有把遮，𠵱家就先进啲入去电子水表，畀佢哋谂到呢样嘢几好呀，相信以后讲起鬼戏，会有呢套份！」

《灵戏逼人》中，嘉欣和张振朗的人鬼恋，搞笑又浪漫。

嘉欣笑言仍未习惯被叫老板娘，觉得称呼嘉欣会更顺耳。

拍剧生意两边兼顾

嘉欣开完饼店后，下月将跟饮食集团合作，在尖沙咀大型商场开7千尺餐厅，问到有否问日籍甜品师新欢意见，她即说，「唔关佢事，我不嬲都有做开生意仔，就系做咗咁多年演员，其他嘢好似唔识，好希望学多啲嘢，趁有时间就尽量学。」不过她强调依然爱演戏，唔会放弃演艺工作，「两边一齐做，顺住行就得。」

新年时嘉欣带同松冈哲也，出席好姐妹陈凯琳等友人饭局，恋情曝光。

年初失落视后宝座的嘉欣，认为奖项对她好大鼓励，但冇奖亦不会太失望。

今年2月，嘉欣接受本报访问时坦认跟松冈哲也了解中，还直言：「33岁系适婚年纪有拖拍好正常」，相隔不足半年再提到男方，她答得相当保守，「好难样样嘢都想要，以我嘅能力不能分到身同心去做，既然有咁好嘅timing做生意，我会冲咗事业先。」全力做老板的她，除了下月开业的新店，还有成盘饮食业大计，「今年开住一、两间先，下月嗰间主打中、日菜式，仲会卖埋蛋糕，另外再开嗰啲餐厅，就未谂好形式。」想40岁前建立饮食王国的嘉欣，仲有7年时间，睇嚟有排都冇时间拍拖。