独家丨林子博赶住移民冇睇住老婆入土为安英国返港即跪拜亡妻求原谅

2023-07-20 07:00

丧妻近3年的无綫娱乐台前主播林子博，于老婆Shirley离世后10个月带同一对仔女离开伤心地，移民英国重过新生活。子博一家最近返港度假，上周更被读者在柴湾华人永远坟场野生捕获，带住子女拜祭亡妻，据读者形容，全身黑的子博一脸忧伤，登车后再一个人折返，眼湿湿地轻抚骨灰龛位上太太的相片，《头条日报》记者致电子博，他称日前返港：「返港第一件事系要向太太负荆请罪，求佢原谅我。」采访：方骞平

林子博上周带同子女跪拜亡妻，逗留半小时。

去年10月21日Shirley离世两周年，子博上载深情文章，除大赞老婆好靓，更提醒大家要珍惜身边人。

上月王晶反击李婉华批评佢制作的剧集《一舞倾城》教坏细路，连带齐做网台节目《豪华博客》的拍档林子博都中「枪」，惨变晶哥口中的「十八线奀星」！虽然子博唔算红，但又未至于十八线。上周二(11日)中午就有读者B小姐于柴湾华人永远坟场遇到佢，全身黑的子博带住仔女，由一名男亲友陪同下到灵灰龛位拜祭亡妻，读者表示子博同亲戚摆好个「坛」后率先跪拜，再引领吹住风扇系咁话热的子女跪拜妈咪，期间子博叫仔女跪地奠酒及向妈咪交代近况。大概逗留半小时，执拾好物品后，两子女紧随爸爸拎住香烛、衣包去化宝炉烧祭品，读者以为子博化完宝便离开，「子女上晒车后，子博突然一个人折返，独自喺亡妻嘅灵灰龛位前低头肃立咗几分钟，再好感触咁摸住灵灰位中上太太嘅相，然后依依不舍离开，我睇见都有啲心酸。」

YouTube频道《子博在英国》，子博每周一晚跟李婉华及杜挺豪一齐主持《李咪博咀》节目。

2020年11月14日子博和子女送别亡妻。

大女咏渝及孺仔卓楠帮手化宝。

子博撇下子女折返，站在亡妻嘅灵灰龛位前低头肃立咗几分钟。

未习惯移英生活
致电子博了解，刚回港的他坦言离港两年，返港翌日即带同子女去拜祭已故父亲、外母及妻子，对于首次拜亡妻，子博相当自责，「见到佢个灵灰位觉得好惭愧，要去赎罪，因为当日太太未入土为安，我经已唔喺香港，太太上位事只能交由大舅处理，呢个系我最解唔开嘅心结，两年嚟个心一直唔舒服。」子博解释因timing问题，除咗未知几时排到灵灰位，香港屋企的租约又期满，加上要配合卓楠(孺仔)在英国的开学时间，「做人要向前望，𠵱家我嘅世界只得两个人(子女)，乜到以佢哋为先，坦白讲唔系旅行系移民，过去两年仲未好习惯当地生活，但我唔舍得掉低佢哋喺英国读书，佢哋经已冇咗妈妈，唔可以冇埋老窦，只能辛苦啲去适应，所以佢哋大学毕业前，我仲未向太太交代得到，唯一安慰系太太同佢妈妈『住』得好近，可以互相照应。」子博对子女相当著紧，将是是非非睇得好开，「话我系『十八线奀星』我冇嘢喎，呢几年我由冇咗份工到老婆走咗，两年嚟凑住两个小朋友去到一个人生路不熟嘅地方，英文又唔好…我有咩未经历过呀？」

移居英国曼城两年，一家三口过住平淡生活。

之前RubberBand到英国开骚，子博陪子女去捧场时影大合照，图中有黎万宏（泥鯭）及「跟得女友」黄心颖。

子博刚刚过咗52岁生日。

今年复活节子博带囡囡去咗纽卡素度假。

留家煮饭仔价钱平过香港。

做YouTuber搵得少
目前子博主力经营自家YouTube频道《子博在英国》，收入仅够交水电煤：「希望再做好啲，多啲人睇变成一个正职啦。」他不忘为自己卖吓广告：「其实《子博在英国》包括讲星座、堪舆学、两性关系、仲有性治疗师一齐倾偈、及跟婉华合作主持嘅《李咪博咀》及《豪华博客》。」子博强调英国使费唔大，只系能源费贵，买餸煮饭平过香港，所以唔难生活，即使𠵱家租住曼城郊区5房、有车房及超大型花园配套的半独立屋只需万多港元租金，并非所指的愈住愈豪。