初选案︱何桂蓝同意民主派35+为宪制武器

「35+」初选案续审，被告何桂蓝今早于西九龙法院作供同意民主派过半为宪制武器，惟指宪制武器概念常见，可见于外国弹劾、不信任票等，用作权力制衡，但指「几百万人反对中央呢样嘢，对中央系好大杀伤力呢个前提下，我同意民主派35+系大杀伤力宪制武器」。何桂蓝又认为宪制危机不必然负面，「危同机都可以雌雄同体㗎啫」。

大律师Trevor Beel主问下引述戴耀廷曾形容民主派过半为「大杀伤力宪制武器」，何桂蓝同意其为宪制武器，但「几百万人反对中央呢样嘢，对中央系好大杀伤力呢个前提下，我同意民主派35+系大杀伤力宪制武器，其他咩打仗嗰啲我就唔同意喇」。何桂蓝解释「宪制武器」概念常见，某些政制内权力之间具制衡关系，如果行政立法司法机关「彼此冇实质阻止到佢、逼佢改变路线，称唔上制衡」，于其他国家中弹劾、不信任票或否决财政预算案也会被称之为宪制武器，有机会引发宪制危机，然而宪制危机不必然负面，「危同机都可以雌雄同体㗎啫」，何桂蓝认为「如果现有paradigm （范式）容纳唔到新现象嘅话，你就可以形容出现咗个crisis （危机）」。

何桂蓝续指香港特首并非民选，而是来自北京钦点，代表北京意见，然而民选立法会代表香港人，若数百万港人不同意的时候，或造成宪政危机。何桂蓝又指从未试过民主派议会过半，「佢会引发乜嘢、引发危定系机，就睇当权者嘅反应」。

何桂蓝另认为戴耀廷文章〈真揽炒十步〉与初选无关，因为何桂蓝会形容戴耀廷为初选中的「facilitator（协助者）」，戴耀廷对议员「选完之后可以做咩佢系冇say嘅」。

何桂蓝对自己属于抗争派直认不讳，自2020年6月起为其中一份子，何桂蓝认为每次选举均会因应情况出现偶然的派系，抗争派乃因应2020年立法会选举而衍生的派系，但不知会否延续到选举后。何桂蓝阐述抗争派特点有四：首先，何桂蓝认为必须承认当届议会无法做到落实政策倡议，「我认为抗争派嘅人系唔会同选民讲，你选我入去，我可以帮你，或者达成某一个数目嘅议席，就可以达成五大诉求」；其次，抗争派人士考虑任何行动「唔会以被DQ或者保住自己议席为首要考虑，简单来讲无论政府话你做啲咩嘢会被DQ，而我哋认为嗰样嘢系唔合理嘅话，即使DQ都要做」；第三，抗争派人士如果当选立法会，不可以只专注于政治议案或者重大议题，「每一条法例，每一条草案，都要用尽《基本法》赋予嘅职能，去尽责啖审议」；最后，抗争派与其他派系分野不在是否愿意与政府谈判。何桂蓝认为自己认同以上数点故属抗争派。《香港国安法》指定法官李运腾问第三点有何特别？何桂蓝先旨声明不针对任何人，解释指有人只会认真审议政改、财政预算案或公众关注的项目，其他小项目则轻轻放过。

Trevor Beel引述此前证供有指初选投票选民以「最黄」、激进及年轻为主，而何桂蓝当时为新东票后。何桂蓝指「我唔会用黄呢个字，可能好多人觉得黄就系好激进⋯⋯一个住深水埗40年由港同盟投到民协都可以好黄，佢可以完全反对暴力，所以我唔用黄呢个字」。何桂蓝反驳说法指「我理解系完全相反，因为呢单案拉晒民主派所有光谱，每一个被告都活喺一个唔同嘅echo chamber（同温层）入面，我所以见到2019年嘅激进派系好唔锺意初选嘅」。何桂蓝选前观察舆情，「我当时喺连登（讨论区），我系畀人话OMDB 2.0（over my dead body 2.0，即杨岳桥2.0）嘅⋯⋯所以我相信当时呢至少舆论上面，大家觉得我同杨岳桥系相似嘅」，又指「我亦都系激进派嘅一个攻击对象，因为除咗OMDB 2.0，重有小丽老母2.0（刘小丽2.0）。」何桂蓝再引用初选票站分站数据说明，自己在沙田第一城、马鞍山等中产人士较多选区得票较高，本土派票仓将军澳得票亦不俗，故自己也无法判断哪26000人投票给自己。惟何桂蓝希望投票给自己的选民「佢有睇过我政纲，认同我嘅方向，授权畀我去做嗰啲嘢，啖佢就投我喇」。

何桂蓝忆述2019年12月左右「我就开始谂唔做记者，喺运动入面搵一个岗位去做」，最初考虑参与被捕支援，「但系好快选立法会呢个option就出咗来」。Trevor Beel问到何事驱使其参选，何桂蓝答「2019年运动其中一个精神呢，就系每个人搵自己最适合嘅嘢去做。啖我当时有一样好多人都冇嘅嘢，就系大家都知道个运动系冇领袖啦，亦都系faceless嘅」。李官问是否指无法辨识运动的代表人物？何桂蓝顺应指「但系好遗憾系大家辨识到我罗」，后又澄清「喺2019年我系冇做过示威者嘅，所以唔好话我系个movement 嘅任何人」，自言仅为一名显著人物，但非泛民主派。

何桂蓝续指于立法会选举中投票是成本最低、最多人能参与的事，所以如果要让运动得到民意授权，「立法会选举系一个必须要行嘅路」，此外当时其他运动路线都停滞不前，而政府亦必然要回应选举结果。何桂蓝另指每次立法会选举，大众焦点均会落于「跑马仔」、数议席，明言自己不欲议会路线单单藉反修例运动为多夺数席，反而「希望立法会选举呢件事，可以推进场运动」。何桂蓝其后补充「当时我要推进呢个运动，我第一件事系离开记者呢个行业」，2020年开设Facebook 专页「宣布参选嘅第一件事、张图嘅第一句，亦都好清楚表明我已经唔系一个记者，希望大家唔好再淆混。当我讲2019嘅时候，我指嘅系运动唔系个年份，至少喺我身上，场运动重未完」。

何桂蓝说明香港民主运动一直存在一个问题，当大家聚焦立法会，便无时间心力推进运动其他方面，因此当时许多非常投入运动的人均不喜欢初选或者立法会选举，忧虑其转移视线，「到底议会系运动嘅一部分，定系话个运动嘅存在可以为议会攞多几席？」何桂蓝续指然而人民正因议会失效才走上街头，故认为议会为运动其中一部份，「唔系一个非常之大部份，所以如果你话将个运动搬咗去chamber，我认为系消解咗运动嘅能量，甚至系驯化咗2019年呢场运动」。何桂蓝认为自己一旦当选立法会，其职责为反映民意、监察政府、阻止行政机关越权，「同埋理论上尽责审议每一条佢哋交上来嘅法案同motion⋯⋯（但）呢样嘢喺现行嘅立法会制度入面系做唔到嘅」。

法庭记者：陈子豪

---

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ