邓丽欣惊喜现身网上节目 张小伦遇女神背妻示爱：好想追佢
2023-07-19 06:00 
香港剑击代表队「大师兄」张小伦首个网上清谈节目《大师兄Friend嚟喇》不经不觉做了8集，第8集亦系最后一集，导演为大师兄制造惊喜，欺骗他这集嘉宾除了有18项香港纪录保持者，香港女子游泳选手兼艺人欧铠淳外，但结果来的是他由细到大倾慕的女神Stephy (邓丽欣)，惊讶之外更手腾脚震。聊天到最后，他再也忍不住向Stephy示爱，坦言细个曾经幻想过，如果第日大个Stephy仲系单身，好想追佢。
大师兄当日进录影棚，见到两位女嘉宾当中，其中一个竟然系Stephy，随即惊讶大叫：「哗！哗！哗！点解……系佢……我上次出席一个活动，本来话可以见到佢，最后冇，几失望！哗，今日见到……面都红埋。」Stephy笑道，「我系虾头喎，哈哈哈，你谂住问我咩问题？」大师兄随即口哑哑笑说：「哎呀！佢地呃住我，我连问题都未有，我都觉得有古怪㗎喇！」
面对两位靓女，大师兄埋位面对镜头，立即有返专业态度，不过唔知系咪对住心目中女神，比平日拘谨少少。「佢地话有个嘉宾食素同白肉，所以我整咗波菜千层面，同煲咗个海鲜汤。」饮汤时Stephy大赞好饮，令大师兄十分开心。到节目尾声，他再也按耐不住兴奋的小fans情绪，向着镜头坦白说：「节目组问过我，锺意访问咩女艺人，我话我中学时真系好锺意佢，（望向Stephy）我仲话，我好想追佢。假如佢𠵱家仲系单身嘅话……」Stephy立即笑道：「我都话，最唔想就系啲人见到我，同我讲细细个就锺意我罗。」大师兄：「真系好多谢你肯上我个节目，倾完偈，好舒服、好开心。」
节目过后，大师兄仍保持兴奋，直言真的很开心，问到是否觉得相逢恨晚？因为虽然Stephy仍是单身，他却已经为人夫。大师兄笑道：「想追Stephy只系小时候年少无知嘅梦想，而家当然唔敢亦唔会，我好爱老婆，老婆系我成长之后嘅女神！」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应