全民造星V丨Nathan魏念恩终撰文亲解「借钱」细节 望向已故女友家属道歉
2023-07-17 18:30 
ViuTV选秀节目《全民造星V总决赛》昨晚完满结束，负评王Nathan（魏念恩）在出赛前突然于IG宣布退赛：「我决定退出今晚的总决赛，为各单位带来不便好对唔住，我会尽快交代事情。」经过一晚的沉淀，今日Nathan终于在IG撰长文交代事件经过！
【相关阅读】：全民造星V总决赛丨Nathan魏念恩是非缠身宣布退赛 狂爆负面新闻大热变负评王
【点击睇Nathan参加全民造星】：
今年5月在《全民造星V》首播期间，Nathan惊传女友Jessie堕楼身亡，到了总决赛前夕，Jessie的家属接受访问，大爆Nathan分手后仍继续向女友借钱，还要求女方删除与他有关的IG帖文，更有对话截图作证，结果Nathan一夜间变负评王，今日他撰文交代事情：「因为事发后透过共同朋友得知对方家属唔想事情再被发大，更加唔想对方被起底，而我都同意（所以接下落嚟我将会用「对方」去称呼佢）。我认为感情问题系属于我哋嘅私隐，所以一直未有向外界交代，选择沉默去面对新闻或外界嘅评论。」
人生经历过最黑暗的日子
Nathan直言女友自杀当晚是人生经历过最黑暗的日子：「当时我好自责，脑海里面不停出现无数个『如果……可能就唔会……』。期间一直好想同对方屋企人联系，好想亲口向佢哋道歉，解释一切来龙去脉。但系我真系好惊，未试过咁惊，毕竟事发之前同对方嘅屋企人并无太多联谊，亦未试过面对咁重大嘅事情，完全唔知道应该点样处理。」他续说：「喺呢段时间我觉得恐惧、内疚、自责、伤心、甚至失眠，心情好复杂、好混乱。同时，节目就开始播出。从来都唔想身边嘅人担心我，想尽快话俾身边嘅人知『我无事，请放心』。结果我由一个极端跳咗去另一个极端，我以为保持轻松玩乐Chill嘅态度去对面大家，就可以令大家放心。」
成功进入了十强后，Nathan称有朋友看到他十强后做过的访问后，竟然有这个反应：「佢同我讲觉得我好反常，从来未见过咁样嘅我。然后我自己睇返，我自己都觉得好呕心，行为十分轻浮。我喺嗰一刻先发现，原来我一直都未搵到一个啱嘅方法去面对呢一件事。」他续说：「我觉得自己有好多做得唔好嘅地方，包括事情发生后，冇立即同对方嘅家属沟通，以及喺丧礼上错过咗同对方家属面对面沟通嘅机会。一直未能捉紧机会向对方家属致歉，成为咗我现时最大嘅遗憾。
令到事情发酵至今，好想喺度郑重向对方家属致歉，好对唔住。而我私底下亦开始尝试同对方家属联络，希望未来可以有机会同你哋好好沟通。」
因7月15日的报导退出比赛
他又称当时决定继续参加总决赛，是希望对作为参赛者呢个身份负上责任，做到有始有终，但最终决定退出比赛，因为7月15日的报导：「我发现关于呢件重大事情上，仍然仲有好多事情未好好处理。好想向所有受到影响嘅人，包括所有参赛者、导师、节目制作组，以及原定受安排同我一齐合作嘅表演嘉宾、音乐人、造型团队等，喺度郑重向你哋致歉，好对唔住。」
对于「借钱」一事，Nathan亦希望向家属澄清：「当时我同佢拍拖期间，我哋双方都有稳定嘅工作，但系出粮嘅时间好唔一样，第三者睇到WhatsApp对话可能会对『借钱』一事感到难以接受，但事实呢个就系我哋当时资金周转嘅生活模式，甚至持续到去分手之后。但当我发现分手后继续与对方有金钱瓜葛会令关系都完结得唔够乾脆，所以喺事发前我已经约对方当面见面并以现金还清。假若家属再有关于我哋感情问题或者对喺电话上所睇到嘅一切仍然有唔理解嘅地方，我好乐意向你哋逐一交代。」最后，Nathan感恩一直支持他的人：「令到你哋担心，对唔住。」
【其他文章】：
全民造星V丨大热Nathan魏念恩陷负面新闻遭全网唾弃 参赛提癌母爆喊大打亲情牌
全民造星V｜Nathan魏念恩被爆分手仍借钱 已故女友手机对话曝光更多要求
全民造星V丨Nathan魏念恩首度开腔悼堕楼亡女友：你是我遇过最温柔的人
全民造星v｜大热参赛者2号魏念恩女友传堕楼身亡疑受情绪病困扰 Nathan IG头像转黑
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应