容祖儿演唱会丨 自认裙脚女独居3年难忍有家不得归 靠吸尘机洗衣液支撑生活
2023-07-16 16:30 
容祖儿一连34场《ANOTHER SIDE ......JOEY•MY SECRET•LIVE》昨晚（15日）在演艺学院正式公开演出，因头场及第二场为粉丝包场及赞助商包场，于是容祖儿便当作是首场演出去做，今次容祖儿带观众游走她的出生地、读书经历、录音室是她的游乐场、恋爱、搞笑的乌龙事情及家的温暖。
【相关阅读】：容祖儿演唱会丨着短裙半走光大方畀观众睇打底裤 爆阿Sa疯狂介绍男友零过电
【点击睇容祖儿演唱会】：
容祖儿分享了求爱男的小故事后，现场就开始充满求婚声，「嫁畀我！」「我娶你！」「 I MISS YOU BABY」，非常欢乐热烈，来到点歌时间，祖儿对观众说：「今日见到大家好开心，我觉得今晚每次唱完歌嘅掌声，系最多最丰富....我完全感受到大家每首歌都听到入咗心，畀我好多力量，唔单止掌声，仲有疯癫呼叫声，仲有疯狂求婚.....哈哈哈....」
裙脚女难忍有家不得归
容祖儿坦言过去四年的日子自己成长了不少：「今次重临旧地，四年再可以喺香港同大家去开演唱会，过去三年我相信每个人都经历咗好多，系全世界全宇宙最难捱时间，我呢个典型裙脚女，冇得返屋企真系好难捱，平时我喺出面点辛苦点难，点多挑战，我返到屋企就可以充电，但系前几年要一个人喺出面独立生活，工作家务都要一个人处理，唔洗衫冇衫著，洗完唔摺张椅就冇位坐，唔吸尘脚就会黑晒.....我为咗有家嘅感觉，连屋企用开只洗液都买一样，等我洗完衫觉得似系屋企。」
她续说：「朋友问我，你唔睇电视你开住个电视做咩？你傻架？一早起身吸尘，然后我先知，系喎，我唔睇电视但系我妈睇，喺香港我每朝阿妈吸尘机声都系我嘅闹钟，冇得返屋企嘅我，就系靠呢啲味道声音支撑住。今日终于可以重新见到大家，做自己最钟意嘅事，真系好开心，当日我一个人听住以下呢首歌跑步，自己歌都打动到自己，落咗两滴眼泪，以往一直未有时间同大家分享过呢首歌的感受，今日终于都可以，所以请容许我今日唱唯一一首唔系side track 嘅冠军歌： 《东京人寿》。人生路上，坚持下去，咬实牙关，所有事都会过，多谢大家咁锺意呢首歌，冇上电台冇宣传，旧年一派出来就冠军歌。」
重新编排的《Just for you 》给恩师
此外，演唱会中，祖儿也没有忘记恩师罗文，重新编排的《Just for you 》是给老师的礼物，她说：「音乐对我来说非常重要，陪伴我渡过好多脆弱时间，细细个好锺意王菲、Leon 大家都知，好多流行歌曲俾咗我养份，多谢喺我人生中出现过的音乐上好夥伴，希望日后我可以继续为大家提供好多好多好歌，陪伴你哋所有最好时光。 」
【其他文章】：
蔡卓妍陪完阿爸游泰即与饼印妈「姊妹出巡」去瑞士 仲分身同容祖儿庆生
容祖儿演唱㑹2023丨相隔4年再开骚门票今早发售即秒杀 呼吁歌迷到社交网留言点歌
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应