独家丨22岁「A0男神」温汤马仕曝光多过MIRROR ViuTV力捧Jeffrey 2.0一年七个节目

22岁中英混血儿温汤马仕（Thomas Windle），去年参加ViuTV真人骚节目《恋爱Staycation》第二季，凭高大靓仔兼广东话非常唔流利吸引观众注意，后来签埋ViuTV做亲生仔。入行未够1年，Thomas曝光多过唔少镜仔，参与7个节目之多备受力捧，杀食外形随时弹起成为第二个Jeffrey（魏浚笙）。因为首做访问，单纯又搞笑的Thomas咩都够胆讲，自爆媾女史及最近遇女神再力媾经过，分分钟可一不可再。采访：杜杜 服装:服装credit: @agnesb_offical

Thomas中文唔叻但卖口乖超劲，访问完再问他感觉，「好玩呀！锺意咁样倾偈，锺意同你做访问，唔知其他系咪都系咁好。」哗！冧死人咩！

Thomas去年在《恋爱》后，接着拍《波系咁踢》、《今餐有料到》和《异乡留民2》，今年上半年已参与了4个节目，好似逢周四晚播出的《MM730-倾 of the World》。

Thomas拍住泰山主持《准时开饭》，虽然经常被窒，他解释事前夹好，泰山亦教识他好多嘢。

Thomas在《瘾营人》同嘉盈、许贤拍档主持，最初中文唔好难沟通，但多得大家对他好包容。

做《初恋Action！》嘉宾要跟葛绰瑶和许宝恒谈情，但因是真人骚不用记对白较轻松。

做《初恋Action！》嘉宾要跟葛绰瑶和许宝恒谈情，但因是真人骚不用记对白较轻松。

由于Thomas首做访问，记者封利是给他，祝他顺利，令他相当惊喜，「开心收到利是，开始（访问）有啲紧张，不过几开心有机会畀新朋友认识我。」为测试其中文程度，访问前先要求他用中文填写个人资料，包括中文名、生肖及女性最性感部位等。但Thomas只睇得明个「名」字并写上英文名，得知要写中文即面露惨情样，再于英文名旁写上唯一识写的「我」字，因为完全睇唔明表格，又写唔到中文，只能靠PR辅助再靠画图表达，象形文字Form相当搞笑！

Thomas收利是劲开心，仲以为每次访问都会收到，知道真相后就话：「下次我畀返利是你。」

身为中英混血儿的Thomas，返了老家英国升读大学。

感激陈俞希引荐做亲生仔

Thomas虽然在香港长大，但一直读国际学校，再到英国读大学，平日只有妈咪跟他用中文沟通，目前读写中文是零，但听得明广东话。由于中文差，唱歌、跳舞又唔叻，虽然中学时好锺意drama class，想大啲入行的Thomas冇谂过参加《全民造星》，直到见到《恋爱Staycation》广告，「我读BM、Marketing，但冇兴趣做呢啲，妈咪做生意，唔系好想跟住佢，上网见到《恋爱》广告，嗰时啱啱冇工返，谂住试吓。」本来拍完节目就算，多得主持陈俞希（Hailey）主动DM他，「话我有potential，叫我同金生个老细倾吓偈，如果Hailey冇搵我，唔会入呢行，多谢咗佢好多次。」

要用中文填个人资料，Thomas即露出惨样。

Thomas只识写一个「我」字，见到成篇象形文字自觉：「几proud！」仲影低留念，睇吓大家又估唔估到佢写乜。

Thomas在《恋爱》中的A0身份成讨论焦点，他都自知冇人信，「好多人都话我冇可能系A0。」叫他填表写初恋年龄，他画一个人瞓牀代表单身，他坦认有玩dating app，仲俾朋友笑易沉船又识唔到女朋友，「最耐一个月半（个半月），倾偈出吓街。」他强调唔会同时间约其他女仔，「我同嗰个女仔倾偈，就唔会同其他女仔，会畀晒心机佢，等佢唔锺意我，我唔锺意佢，完晒。」他在《恋爱》跟彭泳熙（Hei Hei、月巴）配对成功，Thomas觉得同对方几夹，也想过跟对方发展，「佢都几搞笑，佢打嗰个机我都一样打，都约咗几次想同佢出街，不过佢都last minute放我飞机，成日话要返工，节目佢系好人嚟，唔想见佢一定会同我出声。」

Thomas在《恋爱》跟Hei Hei配对成功，但之后未能顺利发展。

Thomas（左二）外形冇得输，确实好难令人相信是A0。

七榄遇混血女神主动搭讪

以为Thomas系媾女可怜虫？他自爆3月时睇七人榄球赛遇到女神，当时他跟朋友去买酒饮，等朋友去厕所时女方经过即中招，「我未见过女仔咁靓，佢系Brown嘅头发，着紧cow girl（造型），唔系好sexy系好cute，我锺意cute啲，同埋佢几高有170几（cm），一半泰国一半German，喺香港出世。」之后他主动搭讪，「我Hi佢，觉得你好靓，我好少咁样，你会唔会想买支酒同我倾吓偈，跟住佢话『想返屋企，同埋我都唔识你』，我话你畀机会识我啦，佢话『好啦好啦买一支啦』，我哋倾咗好耐，好似一个钟头过（过一个钟头），冇晒酒，佢话可以买多杯，我嗰时都几大胆，可能饮咗酒，跟住我同佢bet，你（锺意）嘅team（榄球队）赢我就锡你一啖，我（锺意）team赢你就要锡我一啖，佢话系咪都系我赢，哈哈！」

Thomas在七榄当日以这身啦啦队造型都媾到女。

Thomas仲风骚以「Miss A」作为女神代号，两人keep住约会，更去到拖手兼锡锡地步，「系第一个女仔咁close。」但他坚称未表白唔算女朋友，不过他仲未够胆表白，因为之前曾经问过女仔做佢女朋友被拒绝，「搞到我都惊咗，好惊畀佢reject，等我confirm咗先。」他又大赞「Miss A」除了靓，性格仲好好，因为他锺意女方有礼貌，随性又爱探索世界，仲甜到漏话：「已经系Miss Perfect。」Thomas表示唔会挂住媾女，会努力学好中文，希望有机会演戏，未来可以同偶像周星驰合作。

Thomas最近去了泰国旅行，IG po了一段片中见到他跟一个着人字拖的女仔玩脚踏脚，疑似「Miss A」。

Thomas最近去了泰国旅行，IG po了一段片中见到他跟一个着人字拖的女仔玩脚踏脚，疑似「Miss A」。

 

《星岛头条》新网站有更多精彩内容：http://www.stheadline.com/