专栏│挪超双雄斗火力入球必多

2023-07-02 08:00

今日《猜波台》会直播评述横滨水手对湘南比马嘅日职赛事，艾尔喺度先推半场主胜。当然，有Gary、Will仔同小乔呢个样貌同实力出众嘅评述组合，相信会令呢场实力悬殊嘅球赛格外精采，大家要多多捧场呀！

至于上季挪超冠军莫迪，今轮会作客对今季暂时嘅榜首波杜基林特。莫迪近6季挪超非冠即亚，但今季球队起步大脱脚。头4场联赛只有1和3负，之后转打352阵式后，成绩好番少少，目前以19分排联赛榜第5位。

睇番莫迪开季作客6战2胜4负，输过畀联赛榜下游嘅阿里辛特同奥特足球会，对住维京亦只能够以4比3仅胜。对比同样作客6战有5胜1负嘅波杜基林特，莫迪作客失分咁多，绝对系争冠嘅致命伤。

另外，自从上季上阵25场入15球嘅射手大卫科芬拿转投车路士之后，莫迪嘅攻力无咁锐利。目前球队嘅神射手拜恩希特臣近5场入5球，状态都唔错，但今季加盟嘅箭头维顿贝利沙更加伤多过踢，进攻点唔系太多。

莫迪今季作客表现实在太飘忽，呢次作客波杜基林特会相当难踢。不过，两边今季场均入球数字都唔错，艾尔推介全场入球大细3.5大。艾尔

-----
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

關鍵字

专栏│巴塞真的需要根度简？