星8卦｜「公仔」自把自为睇错骚犯大忌 写悔过书保前途

喺边个地方搵食都要识睇风头，靠边站错咗随时乜嘢前途都无晒！

好似「公仔」就死得好无辜，话说国家一直都同啲唔友善嘅地区划清界线，「公仔」一时疏忽，因为唔系本土嘅活动，松懈咗，所以俾人群起攻击。其实嗰次过大海系因为「公仔」同「过气」都系代言，相约一齐搵食，条数好大架，「公仔」呢排有啲沉寂，梗系仆去交人。

就咁啱「靓女组合」喺当地开骚，「公仔」无警觉性咁去咗仲睇得好兴奋，有图有片有真相，传返去祖家就梗系俾人告发上最高单位，夸张到要禁播佢嘅剧集，罪名系唔爱国。「公仔」又真系攞嚟衰，做乜坐最前，仲要无话俾经理人听，等人哋出事都唔识点帮你补镬。

依家即刻要佢两个代言广告下架，经理人求情都搞唔掂，唯有要佢即刻写悔过书，话以后唔会再犯，亦明白知道做错咗乜嘢。不过原来「公仔」都唔系第一次，以为自己捞得好掂，一直都自把自为，锺意做乜就做乜，搞到好多时要经理人背镬，同带佢出身嘅「姐姐」就系因为佢太自得而反枱，今次希望佢识惊，大小事情都同人商量下！

 

【相关文章】：

星8卦丨「马骝仔」凑女强人有一手 制造初恋感觉软饭长食长有

星8卦丨「大面」晚晚wet唔锡身 中招照开show妄顾他人安危

星8卦丨「咸湿」复出周围利用人帮自己翻身

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ