李婉华19岁女罕现身似姊妹多过母女 懒理与王晶骂战：佢应该要积口德
2023-06-12 16:35 
移居加拿大多年的李婉华最近与19岁大女Natalie一同返港，早前因批评TVB剧集《一舞倾城》剧情教坏细路，李婉华与剧集监制王晶掀起骂战，李婉华表示讲的时候并不知道监制是谁，就算知道也会讲，自己亦只是以观众和家长的角度去评价该剧！
【其他文章】：一舞倾城丨李婉华突发开Live直斥王晶对人不对事：做人要对得住自己
【点击睇李婉华最近与19岁大女Natalie合照】：
李婉华今日在尖沙咀与传媒茶聚时说：「我自己有女，睇完好唔舒服，因为讲紧出卖肉体嘅嘢，点解情节咁写？做家长嘅心态系希望大家道德上嘅嘢都谨守一啲原则，当然每个人嘅价值观都唔一样，但我有坚持。（会唔会后悔讲咗之后掀起骂战？）唔会，后悔嗰个应该唔系我，因为对事唔对人，有个编剧系林子博朋友，佢都有打电话俾林子博话多谢我嘅意见，对于编审肯接受意见同谦虚觉得好感动，我只系分享感受，估唔到会惹嚟批评。」
她续说：「我觉得佢（王晶）有少少借呢件事去发酵，觉得佢最唔应该系佢好似想分化社会，好似要发动啲人攻击，我就好唔开心，因为社会要和谐，爱香港嘅人希望香港好，唔好搞分化。」又批王晶将事件与政治扯上关系及小题大做：「系剧情问题，完全唔关政治事，香港要和谐，人与人之间唔好咁样攻击，网络世界好多人都锺意攻击，就算MIRROR事件我都好痛心，因为有啲人系特别去攻击，我纯粹支持一班年轻人嘅努力，佢哋嘅成绩我系好欣赏。」李婉华直指同是家长的王晶应该要积口德，因为在网络下大家也会看到你的为人：「我都希望佢好，希望佢成功受欢迎，剧我就唔评论，因为我冇睇，我只系评论编审相当之好，如果大台有多啲呢啲编审，会接受不同意见，无论对公司、欢众嚟讲系福气。」
对于王晶批评她戏屎，更指两人合作时，试过将戏份cut走一半，李婉华淡然地说：「佢咁讲啦，我对自己系演艺学生感到骄傲，演技派未必系佢喜欢嗰一种类型，佢早期都讲过演艺学院唔适合拍电影，Anyway都系以前嘅事，佢讲咩都唔紧要，佢始终都系年纪大，老人家唔记得喇，我唔会嬲，我只系觉得成件事好好笑。其实咩年纪都冇得食老本，要继续进步、创新同谦虚，因为时代会变，一代新人胜旧人，呢个系事实，冇嘢系永恒。」
李婉华又谓自己年纪也不小，很多事也需要学习及接受新的事物，但最重要的也是谦虚，每日也高高在上的话，根本没有人会教你新的事情，她又指今次只是在家长的角度，希望给大家一个正确的价值观：「以前我哋拍戏，有啲镜头甚至系着衫嘅尺度，我哋都冇得控制，甚至系后期做啲咩我哋都控制唔到，我哋做演员唔容易，所以能够保持住个价值观系好重要，我都好惊讶佢有个咁嘅反应，其实观众嘅说话使唔使有咁大反应？好奇怪，我觉得佢好似想搵件事嚟make noise。（你会唔会有后悔拍过诱惑题材嘅作品？）作品变咗三级女星梗系后悔，但当时电影有工开就系开心，但到你埋到位就另一件事，当时都试过叫你性感啲，但倾嗰阵时唔系咁，嗰时唔会有人出声，边个够胆出声？甚至而家都唔够胆出声，我而家出声喇。当然而家已经好多导演都唔系咁样，有好多都好清清楚楚，但有啲就系咁罗。」问到李婉华是否有戏瘾？她表示只现在还要照顾19岁的女儿和两个13岁的儿子，但如果有个色真的很适合，也会尝试。
至于今次返港，除了处理私事外，亦会为自己的YouTube channel拍摄节目介绍香港美食：「尽量争取时间将怀缅嘅嘢呈现，希望帮手唱好香港，亦会拍摄地道美食畀美加同香港观众睇。」李婉华亦表示很珍惜今次可与女儿一同返港的机会，因为两人分别住在温哥华和多伦多，至于一向喜爱跳舞和唱歌的Natalie被问到是否想入娱乐圈，刚升大学三年级的她就表示要读完书后再想。
李婉华透露今次返港会相约一班老友如黄秋生、王贻兴、陈嘉容及杨天命等见面叙旧，身为「神徒」的婉华也笑言好想追星，因自己很喜欢姜涛和Anson Lo，但却不好意思打扰花姐。问到Natalie是否也喜欢MIRROR？她就一脸茫然表示不知道，并指自己的偶像是妈妈，令李婉华冧爆。
【其他文章】：
中年好声音2丨「屯门娜娜」再次性感look现身海选 《一舞倾城》妈妈生都报名
陈豪陈茵媺Staycation庆祝锡婚 放假都要做「秘捞」显好老公一面
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应