荷里活广场凶案丨林作妈开腔回应爱子被炒：讲错少少嘢啫收租够做一世二世祖

2023-06-04 15:31

钻石山荷里活广场前日（2日）发生骇人命案，两名女子被患有精神病的光头男子用刀狂捅杀害，引起全城关注。林作在社交网分享一张模仿疑犯装束的照片并留言惹祸，今日遭任职的保险公司发表声明终止合约。林作的妈妈王莉妮（Lily）今日接受《星岛头条》的电话访问，对于儿子的去向，她直言不担心：「我个仔金子，去边度都会发光！」

【相关文章】：荷里活广场凶案｜林作抽水惹祸亲证被保诚解雇：公司冇讲原因，我未知方向

荷里活广场凶案｜一文睇清林作抽水被炒时间线！连发多Post自认多支持者扬言坚拒道歉

【点击睇林作与妈妈合照】：

林作的富妈妈王莉妮（左）传坐拥逾亿元物业。

林作妈妈开了IG！

林作妈王莉妮（前右）晒出晚宴照。

王莉妮（中）拎Hermès手袋赴会。

王莉妮（中）孭Hermès手袋去食Tea。

王莉妮（中）悉心打扮去马场。

王莉妮晒豪宅。

王莉妮晒英国名车Aston Martin。

王莉妮分享了多幅与儿子林作的合照。

仲有母子出海Look。

好性感。

王莉妮水着Look晒事业线及长腿。

王莉妮又公开林作童年照。

林作细个好可爱。

母子昔日合照。

王莉妮后生眼大大。

母子关系好好。

感情深厚！

林作的保险团队超80人，「最强下线」Jasmine Tang（邓婉婷）。

Jasmine仲成日陪林作妈出席宴会。

林作妈同好多圈中人系好友，试过出席陈雅伦（左）生日饭局。

王莉妮仲跟同场的吴启华合照。

林作妈话为个仔感到骄傲！

林作妈妈话阿仔系金子，去边度都会发光！

林作妈妈称阿仔不甘于这安排：「佢话自己唔甘心坐喺屋企似富二代，要为社会作出贡献。

生活好富泰。

现为保诚资深区域经理的林作，今日接受《星岛头条》的电话访问，承认已经收「大信封」：「我未知方向，7日内约公司倾，我唔系即时解雇，公司话短期内会解雇我！」林作坚称自己冇后悔：「我而家冇官一身轻，唔再绑手绑脚，可以向网民挑机！」而林作妈妈亦表示今早已经得悉事件：「我同佢倾咗成朝偈，听晚大家约咗食饭，大家沟通，我一啲都唔担心，阿仔系好有个性，佢想讲嘅嘢系阻止唔到，『东家唔捞咪捞西家』，我个仔几劲，要将佢睇做一粒金子，去边度都会发光！担心乜嘢呢？」她续说：「我个仔读咁多书，去到边都好敬业，你睇吓佢喺保诚做得几叻？旧年拎晒所有奖，所以我同佢讲，唔使太担心，呢啲系天意，去到呢个时候，可能对你嚟系好事，而并不是坏事，呢个系考验嘅时候。」

叫得『林作』注定系要讲嘢

今次林作的言论受到全城丧闹，问到会否劝他收敛一点，林作妈妈说：「有，我哋有探讨过呢个问题，阿仔话佢天生就系咁嘅性格，你叫我唔讲嘢呢，就唔系叫『林作』，呢个注定系要讲嘢，为呢个社会出声。好似之前佢同锺培生打拳，临上台都有啲担心，我得呢粒仔，但系阿仔话呢个时候唔上台，将来仲点使搵食？唔可以喎，佢仲话我作为老母，唔可以喺呢个时候劝个仔收兵，将来要香港人出力。呢点我真系好佩服佢，佢唔自私，其实我个仔系唔使做，屋企又有楼畀佢收租，我得一粒仔，所以有畀晒佢都够佢做一世二世祖，我哋唔系大富大贵，但系过得比好多人好。」

不过林作妈妈称阿仔不甘于这安排：「佢话自己唔甘心坐喺屋企似富二代，要为社会作出贡献。佢仲话：『妈咪，人生好短暂，何必要萎萎缩缩，不如过一个精采人生』，所以我做人老母，只可以佢做乜都支持，但系我系有条件，唔可以犯法，佢就话今次冇触犯法律，可能系言论激烈咗啲。」她称可能阿仔从小在外地长大，言论难免会大胆啲：「我叫佢呢段时间要冷静啲，好事定坏事大家都唔知，或者仲有啲好事等紧佢，做人要乐观啲。」言论间林作妈妈对公司的决定似乎有微言：「佢只系讲错少少嘢啫，唔系咁就郁佢？不过我觉得系好事。人才系好紧要，任何公司搵到个咁醒目、叻仔，成绩系做出嚟，唔系靠把口讲。」林作妈妈的人脉相当强劲，有不少内地娱乐圈先后向林作招手她又称阿仔对公司好有感情，试过有人找他跳糟都不愿意：「佢饿唔死，大把人抢佢，只系睇吓佢想唔做，我都有叫佢跳糟，以前都对阿仔有啲意见，觉得佢啲作风好高调，可能得罪啲老细，但系佢话唔想，好感恩向生畀好大自由度，又好感恩佢畀机会，所以冇走。」

百分百支持个仔唔会做平凡人

林作妈妈称会支持阿仔到底：「佢仲未成功，仲喺拼搏中，我个仔唔会做平凡人，有理想达到，唔会因为呢少少挫折影响，佢会发挥同锺培生打拳嗰种精神，虽然打拳输咗，但精神上赢咗，100人入面有60人锺意你，40人唔锺意你，你都赢咗喇！老板既然唔欣赏你，咪算罗，缘分尽咗，咪适应佢，只要佢睇好嘅嘢，我系绝对支持！」

林作妈王莉妮在儿子林作出世时仍是打工仔，为搵更多钱供囝囝入好的国际学校，早年她瞓身买股票终赚到第一桶，后来单人匹马跑遍东北三省找生意，结果名下经营地产及环保业务的善美集团愈做愈大，2013年还跟杨海成旗下的实德环球合作。据悉，王莉妮坐拥逾亿元物业，有消息指她于2016年以6,338万港元购入的中半山嘉年大厦复式豪宅，去年初以9,180万港元沽出，该单位每层实用面积达1,694平方尺，两层合共3,394平方尺，惟林作随即在社交平台澄清未有成交；而林作则居于同栋大厦另一伙高层户，该单位于2012年以3,500万元购入，由他和母亲联名的公司持有。