独家丨全民造星V丨十强已诞生大热门全入 观众集气求Vincent复活无望

《全民造星V》已播了超过两星期，只剩馀少量参赛者未出场，当中不少入围者令人印象深刻，好似Win Win（杨安妮）男友99号KC（黄家灏）及纽约百老汇剧院表演者Lyman Heung (香胤宅)，前者更已经有粉丝专页。撰文:星岛头条娱乐组

 

9号Lyman Heung（香胤宅）

百老汇出身嘅Lyman Heung，表演确实高水平。

99号KC（黄家灏）

KC跳舞演出有晒故事，获高度评价。

咪以为只有入围者先多人关注，来自马来西亚的富二代、被封为「马拉193」的59号Louis（陈则铭），hea爆演绎《情非得已》，又对伍咏薇单眼及狂派心，被对方狠批，「你咁样对我冇用㗎！」3个评判完全唔buy其懒风趣演出，全红灯直接淘汰。不过似乎观众缘唔差，有网民留言表示：「难得佢表现咁hea又唔在乎，竟然唔太乞人憎！」认为其懒懒闲风格加上几分似韩星李敏镐，点都值有一盏安慰蓝灯。

59号Louis（陈则铭）

Louis以hea爆态度演绎《情非得已》。

Louis对伍咏薇单眼及狂派心，被对方狠批。

仲有来自加拿大的34号Vincent（罗颖生），表演自弹自唱《眼睛不能没眼泪》，虽然表现唔突出，但唱得平稳加上个样走bb可爱风，感觉唔太差，不过评判Edward Chan就唔多锺意，直言好呆，「似由细到大俾屋企人迫学弹琴咁」，连平时好手松的「一灯大师」都突然手紧，更认为他只得20岁仲有大把机会，最后同样全红灯淘汰。

34号Vincent（罗颖生）

Vincent自弹自唱《眼睛不能没眼泪》。

然后讨论区及ViuTV Page一片哀号，「还我Vincent」之声不绝，网民均认为Vincent正正只得20岁经验不足，所以表演太平铺直敍，唔够花巧，但胜在零晨5点演唱未有大错失，唔可以即时入围都应该有一盏蓝灯。更有网民集气，希望今届可以如首届一样，被淘汰后有翻生机会。不过，各位网民真系唔好意思，节目组唔会听到你哋嘅声音，所以亦唔会有翻生机会，因为节目早在一月尾已开拍，玩咗4个月，真实情况已经去到十强已诞生，据本报收到风，十强中唔多海外参加者，仲要本地大热全入，香港参赛者世一。

3位评判后期愈来愈手紧，参赛者要攞一盏蓝灯绝对唔容易。

《星岛头条》新网站有更多精彩内容：http://www.stheadline.com/