独家丨庄思敏撑绯闻男友汪小菲斥大S无理「鱼旦妈」真身夜总会常客曾叫泰韩「鸭仔」

2023-06-01 07:00

TVB热播剧《一舞倾城》成为热话，剧中重现香港80年代的夜总会面貌，饰演妈妈生「鱼旦妈」的庄思敏(Jacquelin)自爆多年来不时跟朋友去夜总会消遣，甚至帮衬过「鸭店」，发现「鸭仔」唔及男艺人靓仔，冇下次。另外，对于传绯闻的汪小菲将子女正面照曝光被前妻大S提告，Jacquelin唔怕再惹是非撑朋友：「点解唔摆得相？自己仔女喎…唔合理。」采访：方骞平形象：Seetz Chan

回复单身嘅Jacquelin持开放态度迎接第二春，唔介意对象有子女。

42岁的Jacquelin有一副好Body，更不时喺社交平台大晒长腿及Big爆上围！

《一舞倾城》涉及性暴力、SM、打斗、掌掴等激烈场面，「鱼旦妈」跟李嘉亦有多场牀战，不过由于意识及动作太大胆，观众已无缘睇到，Jacquelin对于心血被Cut唔觉可惜，最重要交代到件事。对于被批胀爆，她解释因为发型影响，加上晚装多摺位，连牀上包住的毛巾都好大条：「不过都可以接受嘅，因为我饰演系妈妈生唔系舞小姐。」对于性侵剧情，她认为从过去到现在都一直存在，就算被后父强奸亦有唔少真实案例，剧情只是交代舞小姐职业背后的故事，唔觉重口味。

Jacquelin着低胸晚装做妈妈生，观众弹佢有啲肥。

Jacquelin跟傅嘉莉及庄思明系万国城29组舞小姐。

首集李嘉欲性侵舞小姐蔡洁。

陈星妤险被后父王俊棠强奸，观众睇到好肉紧。

剧情仲提及阿妈袁洁仪叫女儿陈星妤为钱出卖初夜。

剧中不乏激烈场面，邝洁楹为还赌债，被练马师性虐待。

剧中Jacquelin跟李嘉有唔少牀战场口，不过已全被Cut。

仲有打八婆交场口。

新型夜总会似K场

Jacquelin当年拍电影《金鸡》时经已落过盛极一时的尖东大富豪夜总会，印象中布置金碧辉煌，有大厅及贵宾厢房，置身大厅嘅囡囡同客人，你有你揽我有我揽，纸醉金迷，跟剧中呈现的场景差唔多：「即使𠵱家我都会跟朋友去港、台啲新型夜总会，但今时今日嘅夜总会变咗K场，环境唔同晒，不过，依然有妈妈生带女入房畀客人拣，班囡囡着Cocktail Dress，唔似当年着低胸晚装，都系陪客倾偈、唱歌、猜枚、饮酒、出街。」

《一舞倾城》重现香港80年代嘅夜总会面貌。

「鱼旦妈」庄思敏真身系夜总会常客。

欢场唔会投入感情

不单去过夜总会消遣，Jacquelin仲自爆10几年前落过尖东「鸭店」叫「鸭仔」，但坦言玩得唔过瘾：「嗰次7个朋友，叫咗4个来自韩国及泰国，好高头大马嘅书生型囝囝，部份来港读书，做PT赚吓外快，其实我冇深入了解佢哋背后嘅故事，更加唔想听，又唔系去助养儿童，去玩只系寻开心，讲真对方未必想讲，讲嘅未必系真，纯粹系无聊跟朋友去见识，一定唔会投放感情落去。」当晚Jacquelin同囝囝所做嘅事，跟喺夜总会搵囡囡陪坐冇分别：「现实版唔会系电影《鸭王》嘅情节，不论囝囝定囡囡唔算热情进取，跟80年代态度差好远，𠵱家班囡囡仲Sell Cool。我喺呢行见咁多靓仔，佢哋点靓都及唔上，所以都唔好玩嘅，一次性算喇唔好嘥钱。」

电影《鸭王》中，饰演金牌「鸭王」嘅白健恩要骑牛牛、叼提子，用尽方法𠱁女人开心。

电影《鸭王》情节。

Jacquelin喺圈20年见过圈中唔少靓仔，包括跟前韩国男子团体EXO成员黄子韬。

冇谂过同小菲发展

另外，回复单身的庄思敏上月被揭与汪小菲在港密会，对于母亲节时汪小菲为孺仔汪希箖举行生日会，并上载子女正面合照到社交网，令大S（徐熙媛）震怒提告，对此，Jacquelin不平则鸣斥小菲前妻大S野蛮唔合理：「有睇呢单新闻，我觉得惨，仔女系自己嘅，点解唔摆得相？有啲唔合理喎。不过，人哋家事冇得讨论，等佢自己解决，我冇联络佢费事再刺激佢，呢啲时间唔好骚扰佢。」虽然Jacquelin持开放态度迎接第二春，只要处理得到家事，亦唔介意对象失婚有子女，但强调同汪小菲唔熟，只系随朋友同枱食过一次饭，亦冇谂过发展。