容祖儿演唱㑹2023丨相隔4年再开骚门票今早发售即秒杀 呼吁歌迷到社交网留言点歌
2023-05-29 17:50 
容祖儿相隔4年终于宣布今年在演艺学院举行《ANOTHER SIDE……JOEY•MY SECRET•LIVE》，演出日期将于7月13、14、15-16、18-23、25-30日，8月3-4、5-6、8-13、15-20及22日一共33场，门票今早公开发售，马上被秒杀，容祖儿知道网上抢票很难，于是为歌迷会安排了一日专场，但一日又怎够慰劳一班歌迷，所以外间不停有加场声音。
【相关阅读】：容祖儿演唱会丨自弹自唱《小小》略有失误获观众掌声鼓励 预告7月返港于演艺开骚
【点击睇容祖儿《ANOTHER SIDE……JOEY•MY SECRET•LIVE》拍摄海报相】：
容祖儿表示加场要跟公司商量及安排，正衡量是否可以实行，带点温暖及有需要的人：「其实要为打风落雨做准备，可能仲有少少档期。如果可以，可能效法之前，加开慈善场，一齐做啲有意义嘅事，等公司再公布。」今次
决定再开演唱会，容祖儿表示有不少朋友问她是否「傻咗」？为何咁辛苦唱咁多场？祖儿说：「当然开红馆系一个选择，明年或者会开红馆呢，哈哈。今次我拣APA（演艺学院），系想有一个同观众超近距离空间去分享时光，6年前睇过嘅人，都会明白APA无论做骚或者睇骚 ，都有另一个层次嘅感受同感动，而且歌迷都问咗我6年，会唔会再开呢类骚，咁档期及所有工作都可以配合，就决定做多次，好想同大家一齐再享受一下呢种近距离亲密时刻。」
早前祖儿为演唱会拍摄海报，当日大师林海峰影了个多小时就宣布可以收工，令她大吓一跳：「真系好多谢林海峰，影海报嗰阵佢其实好忙，又做舞台剧，又有好多其他工作，上一次《My Secret•Live》都系佢设计海报，由Wing Sha影，今次我好想原班人马再出发，所以林海峰就算再忙，最后都答应帮我。入行至今佢都一直默默支持我，我几乎所有红馆骚都系佢帮我录VO，初出道时佢又喺电台节目大力推介我呢个新人，所以有佢帮我设计海报，我会好安心，而家我经过隧道附近个位见到自己嘅海报，我个心都会谂起佢，好多谢佢拣咗呢张相，真系好呈现到一个最舒服悠然自得嘅我，一张相就已经畀大家感受到，今次系一个如何私密及悠然自得嘅骚。」
容祖儿亦表示上次是彭秀慧做导演，今次当然都系她去负责：「APA系佢主场嘛！女导演会多一份温柔，哈哈！彭秀慧话上次做得咁好，今次都有压力，因为佢份人好认真，一定想超越上次，所以连月来佢不停迫我哋开会，仲已经帮我拣紧歌，我想同步开放畀歌迷一齐拣，大家想听边首歌，可以去我IG留言，我哋一定会睇到，再研究是否适合，快啲留言畀我啦！」
【其他文章】：
郑伊健蒙嘉慧日本街头十指紧扣被网民捕获 为一件事玩到唔愿出门口？
《东张》女神梁敏巧性感泳装硬撼人妻利颖怡 呢位年轻8岁够青春丰满身材完胜
陈凯琳龙凤胎弟弟返港与家姐见面 郑嘉颖基因强劲「外甥不似舅」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应