头条戏场丨《鬼家人》不看人生白活电影系列

留意返，《关于我和鬼变成家人的那件事》(下称《鬼家人》有同志元素，但并非同志片，当中仲有飞车、灵异、打斗、惊悚、搞笑、警匪枪战、大尺度露肉、亲情、奇幻、悬疑及搞笑，系呀打咗两次搞笑，因为真系好搞笑。利申，入场完全因为许光汉，自剧集《想见你》后(电影版完全唔掂)，相信香港有大量汉堡(Fans昵称)，散场后明白电影在台湾点解会大收，更已被我纳入不看人生白活电影系列。(上映中)撰文:廖思慧

 

任何性向的爱情都应该尊重及包容
电影讲述直男警察许光汉，因为查案蒐证误执地上红包，被迫跟同志冤魂林柏宏冥婚，两人由互相伤害到变成老友记，同志鬼更助直警缉毒追凶，由讨厌到倾到两句再去到好Friend，最后见到冤魂了咗心事可以升天，睇到两泡眼泪𠺘吓𠺘吓。

因为查案蒐证，许光汉误执地上红包而被迫冥婚。

点解执到红包一定要​冥婚?因为唔冥婚会遭遇不幸，你睇许光汉个样先啦。

呢位就系毛毛(林柏宏饰)，即许光汉嘅冥婚对象。

戏中有唔少许光汉露肉镜头，汉堡(许光汉Fans名)应该睇到好满足。

许光汉刻意操大只拍此片，呢个尺寸刚好唔好太大只呀。

话口未完，又有心口仔睇。

两人由互相睇唔顺眼到互相帮助，唔老土仲好好笑。

王净系许光汉嘅夥伴，经常拍住查案。

蔡振南饰演林孝远（孝哥），毒枭集团的老大，出镜唔多但观众对佢印象深刻。

马念先饰演刑侦队队长，即许光汉上司，以为佢奸嘅，被导演Fake咗差唔多成套戏，导演好狠。

炎亚纶饰演毛毛嘅前度，衰人嚟嘅，但佢演得好好。

庹宗华饰演毛毛爸爸，睇开佢做综艺，估唔到做思想古板但好爱个仔嘅老窦，入晒戏。

 

其实故事好简单，但编剧好厉害，将一个可以好老土嘅人鬼巴打情故仔写得好笑又有高低起伏，喜剧节奏非常精准，有笑有泪有鼓掌的确唔容易。片长130分钟，有一半时间全场一齐大笑，唔知以为Fans包咗场。

 

《星岛头条》新网站有更多精彩内容：http://www.stheadline.com/