肥妈李鼎丨A0游嘉欣恨出Pool恨出面 主动讲「第一次时间唔可以短」吓窒鼎爷
2023-05-15 19:00 
由 Maria Cordero（肥妈）、李家鼎（鼎爷）及游嘉欣（游游）担任主持的《肥妈李鼎》今晚（15 日）播出第 10 集，今集主题是「爱情来的时候」。肥妈与鼎爷齐齐分享恋爱史。肥妈与亡夫Rick十分恩爱，之前曾经历过一次婚姻失败的肥妈曾扬言「死都唔再结婚」，惟最终被 Rick 真诚打动，再次披上婚纱做新娘！
【点击睇《肥妈李鼎》精彩内容】：
肥妈重提当日结婚经过笑言：「我哋一齐夹 Band，大家会嚟我屋企食饭，食完饭之后大家开始走，我老公系留到两、三点。最过瘾系我阿妈坐喺度钓鱼，我叫阿妈返上去瞓，点知阿妈话：『佢又唔返去瞓？』后来有一日我老公顶唔顺就同我阿妈讲：『Auntie，我同佢结婚啦，好冇』，佢唔系同我求婚喎，阿妈知道我哋系认真，之后就返咗上去瞓。」肥妈再爆与徐小凤之间的趣事：「有一次去睇小凤姐演唱会，小凤姐问我经历过第一次婚姻唔惊咩，点解会嫁第二次，我就问小凤姐点睇爱情，佢话爱情系一本小说，睇完之后收埋放喺心中。」岂料肥妈之后的神回覆，令小凤姐「笑到踎咗喺度」。
【点击睇游嘉欣更多靓相】：
闲谈期间，鼎爷问肥妈拍拖多久才可以拖手仔，肥妈坦言：「好耐㗎，唔可以话一拍拖就拖手。」鼎爷则坦言需要一年，并指想锡锡都要问过先，例如：「呢度冇乜人，锡吓你得唔得呀？」相当搞笑。讲嘢一嚿嚿的游游再发表惊人言论，她说：「我觉得第一次时间一定唔可以短。」阿爷听到眼都凸埋：「咩时间短先？」肥妈见状即笑著解围：「死喇，游游答问题都可以有问题，你答拍拖时间唔可以短吖嘛！」身为「A0 女神」的游游，经过今集后归纳出「出 Pool 秘笈」，她说：「今集学识两样嘢，女人要识发姣，唔发姣就冇男朋友，第二就系要多尝试，失败都唔好惊，最紧要试到一个啱。」
明晚（16 日）播出的第 11 集，主题是「化腐朽为神奇」，肥妈指做人最紧要识执生，她分享自身经历：「有次登台背住观众唱歌，点知人哋啱啱玩完啤酒比赛，成地都系玻璃樽，一个转身就（踩到玻璃樽）挞咗喺度，我即刻摆 Pose 喺度唱，佢哋以为我真系咁安排。」原来鼎爷亦有登台经验，更即场大开金口唱出《禅院钟声》。谈到「化腐朽为神奇」，游游指现在有不少加工俊男美女，随即追问肥妈心目中娱乐圈三甲靓女谁属，肥妈回应：「林凤、乐蒂同埋林翠，佢哋天生好鬼
靓。」
【其他文章】：
杨卓娜女儿14岁生日阿妈忍唔住偷偷抹眼泪？ 愈大愈靓极有潜质成星二代
胡杏儿自爆做人妻非自己追求的人生 为老公与奶奶再追女因一理由有所顾虑
母亲节丨众星晒阿妈合照「饼印」成焦点 黎姿母女对话感温馨 文咏珊三年冇庆祝拖贵气妈出巡疯狂打卡
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应