独家丨方绍聪感激女神张慧仪带路游马拉 黄紫恩胡敏芝上山下海辛苦又难忘

由方绍聪（奶仔）主持及监制的《野外步出3玩野加大马》，除加入两位新主持黄紫恩（Jojo）及胡敏芝（Karen），更移师到马来西亚拍摄。奶仔最开心请到性感女神张慧仪做嘉宾，而带着两个新丁冒险更有挑战性。黄紫恩及胡敏芝第一次参与拍摄，要上山下海虽辛苦，但绝对是难得体验。采访：杜杜 发型:Pakman Chau(奶仔) 服装:Annoricsporthk(奶仔)

奶仔虽然第一次同Karen（左）和Jojo合作，但大家好夹。

Jojo（左）和Karen虽然觉得拍摄过程辛苦，但也认为是难得体验。

Jojo（左）和Karen虽然觉得拍摄过程辛苦，但也认为是难得体验。

奶仔虽然有《贫穷限制想像》监制经验，但今次首次为《野外步出》糸列出任监制，工作绝不轻松，「第一次去海外拍综艺节目，兼做埋监制，真系好大压力，有今次经验，下次再去远啲拍摄都冇问题，希望公司畀机会我哋去其他地方再拍。」

奶仔坦认《野外步出》第1、2辑有好成绩，造就今次跳出香港拍摄机会。

奶仔邀请马来西亚靓女艺人陈玟蒽做嘉宾，大玩水上活动。

带新丁同行责任大

今次奶仔搵了Jojo和Karen做主持外，还邀请了多位马来西亚艺人担任嘉宾，包括最令奶仔兴奋的张慧仪。「佢系我女神，拍剧识咗好多年，间中都有联络倾吓偈，佢好少参与呢类节目，我都系胆粗粗打电话畀佢，仲同佢猛解释节目内容，点知佢话『奶仔你开声就得，唔使讲咁多』就应承咗我，佢带我哋去咗好多地方，真系好多谢佢，请到佢做嘉宾绝对系我嘅荣幸。」

奶仔最开心邀到张慧仪任嘉宾，仲载对方坐电单车，成就解锁。

张慧仪除带奶仔周围去，仲带埋仔仔Hanson出镜。

除了行山，仲有好多不同类型活动，首次拍摄的Jojo和Karen觉得既辛苦又好玩。Jojo说：「第一次出埠拍嘢，潜水同激流都唔系咁易玩，但地方咁靓，成班人合作气氛好好，真系好难忘。」至于Karen就挑战海拔1200米高的剑峰，「因为好直，要手脚并用先得，最初谂住只行到三分一，估唔到可以行到1000米咁多，挑战到自己好开心。」奶仔大赞两个新丁表现出色，「佢哋好大胆乜都肯试，我好似大哥哥咁带住佢哋去挑战，责任感都大咗好多。」

Karen跟奶仔挑战海拔1200米高的剑峰，似爬山多过行山。

Karen虽然搞到周身伤，但觉得这个经历好值得。

 

Jojo第一次玩激流，仲连玩几个，刺激又好玩。

《星岛头条》新网站有更多精彩内容：http://www.stheadline.com/