独家丨汉阳谭嘉荃戒酒减磅苦练舞技相隔9年开骚首玩音乐剧Feel

2023-05-15 06:00

汉阳和谭嘉荃（Amy）相隔9年再合作开骚，将于本月底举行《满汉荃音乐盛宴汉阳x谭嘉荃演唱会》，他们开心疫情后有单位邀请，决定试更多新形式。除了开场会有劲歌热舞，还会演绎一段音乐剧，两人坦认跳舞部份最困难，所以好早已开始排练，虽然两人有很多舞台经验，仍会当第一次开骚来准备。采访：杜杜化妆:Heidi-makeup.com 场地:City Dancers Grill & Live Music Bar

Amy近年因疫情都有长肉，希望今次能减多几磅。

努力减磅的汉阳，冇刻意睇磅数，只求感觉轻盈啲。

汉阳和谭嘉荃经常孖公仔出现，但原来已有9年冇合作过开骚。汉阳认为难得有人邀请，特别开心。早前个人演唱会因疫情被迫改期4次的Amy，感受特别深，「今次好有信心唔会再改期，同埋唔使限制入场人数，气氛应该会特别好。」

汉阳和Amy合作无间，但原来已有9年冇一齐开骚。

花半年时间排练

由于合作机会难得，汉阳和Amy都希望带俾观众更多新鲜感，例如合唱从未合作过的歌曲。汉阳说：「我哋合唱大家都应该预咗，所以会试啲新嘢，好似一开场我哋会有段劲歌热舞，炒热气氛，应该会令到大家几惊喜。」Amy再补充，「我哋仲会用一批歌串连做一个故事，好似音乐剧咁，相信几有新鲜感，所以拣歌都几花时间。」

汉阳和Amy坦认要边唱边跳，有一定难度。

虽然两人有多年舞台经验，但每次演出都会好紧张，特别今次的新编排，令他们都不敢怠慢，早在农历年后已开始排练。汉阳解释：「我每次演出都会当系第一次同最后一次咁做，唔想有遗憾嘛！况且跳舞喎！唔单止对观众有惊喜，对我仲大惊喜呀！系惊多过喜，我真系少跳舞，所以首先要减肥，新年后已经戒咗酒，希望轻盈啲跳起嚟好睇啲。」Amy都大赞汉阳有决心，「佢真系冇饮酒，连佢生日搞party，都忍到完全唔饮，都好佩服佢，我都要努力减肥，希望最fit咁见大家。」