独家丨杨天宇收女人裸照求约炮李靖筠被邀「送外卖」《电子灵》击中都市人沉迷手机死穴

2023-05-10 07:00

由梁碧芝执导、杨天宇、李靖筠、顾定轩主演的奇幻惊栗电影《电子灵》以现代人手机成瘾为背景，影响精神健康之馀，人际关系都愈来愈差。不时在社交网着住白袜仔做运动晒肌的杨天宇(Angus)，自爆曾收恋物狂DM求售著过的物品；而李靖筠(Gladys)亦试过收讯息邀到台湾「送外卖」；而顾定轩(Zeno)为接收真实资讯，曾unfollow FB一啲朋友。采访：方骞平摄影：朱伟彦发型、化妆、服装：Cooney Lai @hairby_cooney、Kineks Ho @ki.neks ho、sandroparis、purplepr(李靖筠) Karol Ng @myos.hair、mikowongms、harveynicholsmen(杨天宇) wing @theattichongkong、K、Armani Exchange(顾定轩)场地：keeprollin_studio

Angus、Gladys都系英皇力捧新贵，后者笑指疫情下公司养住佢哋，唔畀佢哋饿死。

导演梁碧芝形容Zeno有个惨样，做隐青入型入格。

28岁杨天宇高大靓仔。

李靖筠走健康路线。

现实生活中的Zeno着重交流。

导演梁碧芝只有500万budget制作，做CG都要睇餸食饭。。

本周四上映的电影《电子灵》获香港电影发展基金支持，导演梁碧芝只有500万budget制作，做CG都要睇餸食饭。Zeno在戏中曾于中学阶段遭同学欺凌，长大后变手机成瘾的隐青，所以冇乜对白，Zeno称用肢体语言去表达情感好好玩，而造型上亦帮到佢入戏。梁碧芝认为隐青会不顾身势，所以设定Zeno要烂面及有眼屎，成日匿喺暗黑房间。

Zeno演沉迷打机嘅隐青，几似吖。

疫情下，英皇电影与天下一合作开拍《电子灵》，从而提供业界就业机会。

玩社交平台唔会沉迷
不过，现实生活中的Zeno着重交流：「好几年前我甚至试过脱离Social Media，唔想每日睇每个Po都loop、like及share，最重要网络世界唔能够定义啲嘢系咪真实，呢班系咪朋友？我觉得同人交谈、了解才叫做交流，但𠵱家连讲个电话都有难度啦！所以嗰时想清空一吓自己，一度Unfollow FB一啲人，唔想接收过多嘅资讯。」对于Unfollow朋友，虽然对方唔会知，但Zeno都有一啲感受，他大笑说：「只系想试吓，又唔系想表达唔开心，𠵱家恢复正常，但心态上唔同咗，保持正常社交唔会沉迷。」

片中李靖筠沉迷网上世界。

电影探讨疫情下个个戴住口罩睇手机，人与人之间好有隔膜。

片中Angus暗恋Gladys，系贴心照顾佢嘅暖男。

片中Gladys要挑战唔连贯拍喊戏，好彩有前辈龚慈恩带佢入戏。

Gladys为表现出真实的惊吓反应，副导演要谂计吓她。

Zeno着重心灵健康，唔会沉迷网络世界。

收过超爆DM被撩约炮

28岁高大靓仔的Angus经常在社交网上载晒肌相，吸引大量「有心人」畀Like及留言，他坦言收过好爆嘅讯息：「试过有人DM我，问我『着过嘅白袜卖几多钱？』」在旁Gladys加嘴：「开一万蚊一对，掂啦！」 Angus耍晒手更答得认真：「我唔卖，容乜易落我飞天降呀！」另外，他又试过被撩「约炮」：「有女子send祼体相畀我，话不如交换电话，然后约出嚟，我梗唔回应啦，哈！可能出嚟系男人。其实𠵱家我经已少咗po除衫晒肌相。」

Angus着白袜晒肌做运动，吸引恋物狂搭讪。

Angus有份主演网剧《PTU机动部队》，在戏中疯狂骚肌。

叮嘱礼物要自己争取

至于Gladys亦试过几年前被人DM邀她去台湾：「佢问我去唔去台湾『陪人』？银码畀几多已唔记得，惟一记得最好笑一句留言系『礼物自己争取！』咁系咪要争取名牌包包呀？虽然我冇覆，但睇完笑咗好耐，可能佢锺意骨感型，其实我冇po过性感相，最多着阿婆泳衣。」另外，Angus又称𠵱家个个出Po都P图，如同慢性毒药：「咁样大家只系陶醉喺网上世界，愈嚟愈唔敢出嚟见人，长远会令自尊心低缺乏安全感，所以我尽量系执吓色就算。」Gladys就话潮流兴返原图直出，所以佢冇乜P图。