麦美娟赞同事「冇得顶」 唔计较假日全力工作︱Kelly Online
2023-05-07 16:55 
民政及青年事务局近日活动多多，除了有关完善地区治理工作的政务事外，「开心香港」系列活动也大多与民青局息息相关。民青局局长麦美娟今日（7日）就喺社交平台大赞民青局同民政署团队，话喺合作近一年之后，发现佢哋呢个团体真系「冇得顶」。
麦美娟解释指，佢哋往往喺假日最多活动，而同事们都唔计较，只要有工作都全力去做，而作为政府地区工作最前线，同事们遇到紧急工作都唔会理几夜，群策群力喺短时间内完成任务，真正系「日以继夜、夜以继日」。
「一张张相背后冇影到嘅系同事大量准备工作」
麦美娟又话，自己一直系做地区工作，强调团队合作，因为一个人系冇可能做得晒所有嘢，好多工作都要整个团队互相配合、互相支持先可以完成。佢好感恩呢一年嚟有一个「好尽责、有活力、有朝气、有理念嘅团队」，真系时刻保持喺地区最前线为市民服务。她举例指，过去几星期剩系民政方面已经做咗几个大型工作，包括美食市集、两支关爱队，同埋协助推出完善地区治理工作方案，形容「喺一张张相嘅背后，冇影到嘅系各区同事事前大量嘅准备工作。」
---
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应