独家丨姜皓文唔再追求攞奖:谂咁多坏脑赞ERROR好识𠱁人发短讯慰问

2023-05-04 07:00

姜皓文（黑哥）首度拍摄ViuTV剧《极度俏郎君》，剧中初次跟ERROR和P1X3L等合作，他对这班后辈演员有赞无弹，又冧爆首次合演夫妻的宣萱，更因对方好爱照顾台前幕后而封她为「宣萱妈妈」。黑哥还透露未来会减慢工作脚步，以及计划为自己创造不同演出机会。采访：杜杜摄影：朱伟彦发型: Jove Shek 化妆:Manman Fong

黑哥希望未来可以多拍剧集，因可以跟角色玩耐啲。

对于P1X3L的Phoebus（吴启洋）饰演自己的年青版，黑哥笑言：「佢咁靓仔，委屈咗佢，我要同佢啲fans讲声唔好意思呀！得罪晒！」另黑哥开心表示ERROR和P1X3L的fans采取「放题式应援」，但他要keep fit所以无福消受。他又赞ERROR好有心，见他攰会各自发讯息慰问，而他对保锜特别有感觉，「佢真系好似我亲细佬，无论性格个样都好似，所以当咗佢系我细佬，其实我都当晒佢哋几个系细佬咁。」

黑哥笑指要靓仔Phoebus演他年青版，委屈了对方。

黑哥赞ERROR有心又好学，已视他们如细佬。

铺路到马拉演象人角色

讲到首次正式合作的宣萱，黑哥赞对方不但戏好，仲好识照顾人，「我爱上咗佢咁滞啦！佢真系老婆feel到不得了，紧张自己嘅嘢，仲会紧张埋隔篱嗰个，佢收咗工仲会逐个打畀ERROR辅导，好保母式照顾，又会关心啲crew，会去超巿买补给品畀佢哋，好正！宣萱妈妈呀！哈哈！佢咁好咪朝早叫同事买佢最锺意嘅栥饭畀佢食罗！」他笑言太太殷宁是宣萱Fans，「知我同佢合作兴奋过我，嚟探班第一时间搵佢。」

黑哥笑言跟宣萱在剧中只有神交，亲热戏只限揽揽。

黑哥早前同老婆到怡保，顺道相约剧中演「七姐」的张慧仪聚旧。

黑哥首次参与ViuTV剧集，跟《俏郎君》台前幕后都合作得好开心。

2018年凭《拆弹专家》首夺最佳男配角的黑哥，工作上的追求已不在奖项上，「淡晒啦！有咪算罗！再谂咁多谂坏脑。」现在他只想做有养份的作品，「唔好做完得阵风，以前好多嘢都急咗，冇时间畀我去谂去消化，如果再行多次，我想拍多次《翠丝》。」最近他有计划拍些另类题材电影，「好似象人咁特技化妆化到唔系我，要睇海报先知系我，我同马来西亚嘅电影公司度紧剧本，想喺佢哋啲故事加插呢个元素。」