专栏｜维拉善反击　曼联未必稳胜

曼城喺周中技术性击倒阿仙奴之后，只系差「枪手」2分兼打少2场，争冠之战似乎完咗。另一边厢来届欧洲赛席席位争夺战斗到如火如荼，执笔嗰阵第三名嘅纽卡素同第六名嘅阿士东维拉只差7分，当然各自场数有唔同，但系当曼城季初试过输畀宾福特，般尼茅夫都赢到利物浦，诺定咸森林能大胜白礼顿，英超再无强弱队之分，一、两场波之后排名可能大幅改写。

红魔曼联虽然上场被热刺追和，但暂时喺欧联席位嘅争夺形势上未算被动。睇返曼联对上一次喺主场输波，已经系上年欧霸杯分组赛一球仅负皇家苏斯达，连续廿五场主场各赛事不败。今场曼联主场迎战阿士东维拉，虽然有奥脱福地狱主场嘅加持，但艾尔认为都唔系咁易应付。

阿士东维拉喺乌尼执教后判若两队，近10场联赛8胜2和，𠲖家竟然有机会争夺欧洲赛席位，不得不服呢位西班牙籍领队嘅功力。艾尔觉得奥尼屈坚斯同贝安迪亚喺前綫嘅化学作用非常显著，反击相当有威胁。今场作客奥脱福可能会被围攻，但曼联后防始终唔太稳阵，客队好大机会凭反击制造入球机会。两队状态不相伯仲，艾尔今场推介让球半一下盘。艾尔

-----

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd

你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ