落单半小时未上菜 恶客狂闹收银员：你企楼面就要受气 网民睇唔过眼｜Juicy叮
2023-04-23 11:23 
一对男女到沙田愉翠商场一餐厅准备用膳，疑不满落单后半小时未上菜，截单离开时，该名女食客迁怒餐厅收银员，肆意指骂，气焰嚣张地抛下金句「你企楼面就要受气」后拂袖而去，令同场顾客侧目。网民看不过眼女子的行为，大闹「无理取闹」，指「关收银乜事」、「畀几廿蚊当自己大客」。
楼主昨日（23日）在facebook讨论区「香港茶餐厅及美食关注组」上载长约18秒的短片时附上事件背景，指该对男女「落咗单半粒钟冇嘢到要cut单冇问题，但系又搵收银姐姐发泄怒火无理取闹」，并形容女子抛下的「你企楼面就要受气」真系金句嚟。
女食客与收银员对答实录：
收银员：「你系咁闹我做乜嘢啫？」
女食客：「服务态度咁差！」
收银员：「唔系我炒㗎！」
女食客：「咁你对客㗎嘛，对客系咪咁样呀！」
收银员：「你黐线，咁客系客，你唔可以闹我㗎嘛！」
女食客：「咩叫唔可以闹你，你企楼面就要受气，话畀你听！」
女食客：「哈，你对客㗎嘛依家！」
恶客怒骂收银员逐格睇及网民回应：
回应的网民出来主持公道，指事件「关收银乜事」、「畀几个钱要搵人出气」：
「压力大」、
「无理取闹」、
「真系冇品」、
「推到道歉」、
「无同理心」、
「抵佢出名」、
「心理有问题」、
「好大嘅官威」、
「收银只负责收银」、
「都唔关收银事㗎」、
「寃有头，债有主」、
「畀几个钱要搵人出气」、
「畀几廿蚊当自己大客」、
「又扮晒大爷，自己煮啦」、
「曲型香港人，特别系港女」、
「以为自己畀紧几千蚊一餐」、
「真系无家教。骂人手指指」、
「做人！其实人品都重要㗎」、
「闹收银有乜用，又唔系佢煮」、
「畀几十蚊食嘢仲要搵人出气」、
「佢哋应该以后餐餐食鱼生唔使煮」、
「有本事就直冲入厨房閙个厨师嘛」、
「遇著假期惠顾餐厅是要等半小时的」、
「记住有钱无钱都要有品，学懂尊重」、
「几十蚊净系买个餐㗎，唔包畀你闹」、
「一啲都唔尊重前线嘅人员不知所谓」、
「呢个女人D仔女真系唔好做饮食业呀」、
「点解唔去搵经理，喺度闹收银有何用」、
「畀茶餐厅价钱要五星级服务，西客多的是」、
「人哋打工做服务，有本事入厨房Ｘ厨房佬」、
「对客就要受气，即系你畀钱就可以搵人嚟出气」、
「听佢两公婆啲语气，我以为佢买咗十几万嘢食添」、
「做工唔包括受气，那大妈骂收银女士真是无理取闹」、
「我打工要受你个客气咩。公司畀很多钱睇心理医生咩」、
「现在乜人都有，只顾自己，乜嘢叫做这行就要受人气」、
「系闹经理，经理再闹返厨房同服务员，闹个收银仔有咩用」、
「如果唔系集团式， 系个体户食店， 个客肯定畀人插到出门口」、
「香港真系好多呢种人，无论咩场合都虾d以为比自己低级嘅人」、
「佢够姜咪踩入厨房罗，又唔敢得罪啲厨房佬，净系识虾啲阿姐」、
「乜嘢叫做坐得呢个位就预咗被人闹，咁呢位女仕返工有无预带埋阿妈返工？」、
「Cut单就cut单啦，楼面姐姐都控制唔到厨房出菜快慢，够胆就踩入厨房嘈，畀果少少钱当自己大爷咁」、
「可以向经理投诉，同时在网上说出来，叫其他人尽量不要帮亲此店。一但闹人，就是你哋唔对，无得讲」、
「闹楼面无用，系厨房做唔切，退单都得，想点呢，难道斟茶叩头咩，大家包容吓啦，一时冲动无益打埋人，靶都有得受」、
「其实顾客同食店员工地位都系平等，乜嘢叫「你楼面就要受气」？讲嗰个有冇用过个脑？己所不欲，勿施于人呀！太太！」、
「哇，甚么意思噢，做饮食不是人吗？干嘛要受气？ 如果客户是对我们饮食业的同行都会道歉，但是这一句话就得罪所有饮食业的员工，杯葛你无理取闹，不会尊重他人行业， 有时候真的不能等就不要下单，赶时间不要排队」、
「大家尊重大家…食客虽系畀钱方…但食肆员工同为打工人…楼面亦唔系固定要受食客脾气…疫情后外加消费券压力…而公司一般无增添人手…食肆前线员工亦系唔好受…厨房以往2人工作量变为1人工作…互相理解…就少好多争执…等得耐…可以取消…无问题嘎…一食肆厨房员工…走过路过…留下一则感受…」。
恶客怒骂收银员逐格睇及网民回应：
另有网民讨论等半小时未上菜的问题：
「半粒钟系过份咗嘅」、
「好似叫焗饭，要半粒钟左右」、
「晚市等半小时都好正路啫，又唔系唔煮畀你」、
「等半个钟又真系太夸张！但系都唔洗咁嘈嘅！」、
「赶咪屋企食杯面罗！半个钟话耐唔耐啦！如果个场系Full（满），问过有做仅我唔会再追」、
「正常客落order时， 最好讲清楚要好耐， 我食个间系咁样， 结果我等咗45mins先到， 我又无嘢， 明白繁忙时间多单」、
「我都试过开工放饭系外卖档叫咗外卖，出晒啲先嚟后到嘅小食单，45分钟先开始炒个饭畀我，Ｘ有咩用，唯有系以后唔帮衬嘅啫」、
「外卖企半个钟等，又的确好考耐性，唔系人人都忍到，如果后过你张单的出先（有时有啲厨会就自己方便，未必顺张单的次序煮），会更嬲」、
「外卖半个钟系几本， 唔等得嘅自己去7仔买三文治！落单先后次序唔等于取外卖先后次序， 唔通第一个买咗十样嘢， 第二个买得一样嘢， 唔通要等第一单嗰十日嘢齐哂畀咗客先再畀第二单嗰一样嘢客人？」、
「人哋收银打份工，做好自己本份，唔系老奉要受你气，体谅人哋能力范围有冇错，如果要自抬身价，洗几个臭钱就就可以对人…，咁应该系你人生中嘅反射，替你难过，有病及早睇医生，准时食药，可控制病情」、
恶客怒骂收银员逐格睇：
帖文来源：香港茶餐厅及美食关注组
同场加映：
「男友视角」巴士猥亵影片疯传 车厢露体缠绵现「神之手」
多段以「男友视角」拍摄的巴士猥亵影片在网络疯传，当中有女子扯衫露体，亦有男女光天化日下，在巴士行驶中的车厢大玩「神之手」，尺度大胆，涉嫌在公众地方进行猥亵行为触犯法例。
近日在多个社交网络，有人以「男友视角」为题发布多段涉及巴士猥亵行为的影片及相片，影片共有两段，分别长约8秒及11秒，另有一张猥亵相片。
巴士猥亵影片热传 「男友视角」车厢缠绵
该批影片及相片拍摄时间不详，但从影片中人均戴有口罩估计，应在新冠疫情发生后拍摄。
【巴士猥亵影片疯传｜影片逐格睇↓↓↓↓】
两段影片中的事主均坐在巴士车厢靠后「4人位」，首段影片看到一名少女左顾右盼后，突然扯衫露出胸部。另一段影片则看到一名女子没有穿著内裤，而负责拍摄的男子则将手伸向女子下体进行猥亵行为，期间女子仍在看手机，从该影片周遭环境估计拍摄时巴士正在旺角弥敦道行驶。至于流传的相片亦相类似，这次女子俯伏坐椅。
最新回应