独家丨刘颖镟最怕Fans留言讲佢身材为《隐形战队》操到可以参加健身比赛

2023-04-13 06:00

刘颖镟（Tiffany）在《隐形战队》演反恐特勤队「刑风」搏尽拍打戏，又着埋3点式大骚「最强Body」，因为表现唔锡身被激赞。讲到性感相出现在各大讨论区又被传媒疯狂报导，Tiffany唔介意继续做打女或性感演出，但就好怕睇Fans留言谈论其身材。另外，事业搏杀期的她唔心急拍拖，未来男友最好似彭于晏咁高大。采访：杜杜摄影：朱伟彦服装:Magazzin Group

样甜身材又好的Tiffany，成为新一代女神。

Tiffany坦言拍《隐形》是最辛苦一套剧，为营造反恐特勤队的外形，她疯狂健身操肌，能达到水平好难得，「一次比一次肌肉量增加，会愈嚟愈重，但体脂就跌咗好多，最低得返10.1%，能够达到呢个水平已经好好，似去参加健身比赛。」她亦不介意继续骚「最强Body」，但怕fans留言谈论她身材，「哈哈！我好似filter咗，讲太多呢啲我会睇唔到，我谂佢哋讲呢啲唔系想我尴尬，有佢哋支持已经OK。」

样甜身材又好的Tiffany，成为新一代女神。

剧中玩「小背心放题」的Tiffany，打起来特别养眼。

专心事业唔急拍拖

虽然Tiffany唔介意继续做打女，但就怕身体应付唔到，「每次拍都一定会有瘀伤、小受伤，好彩冇乜大碍，但太多都唔太好，所以除咗打戏都希望有其他方面嘅尝试。」原来Tiffany未入行前想过做护士，所以都希望挑战医护角色，「以前会谂医生讲嘅名词好复杂，护士可以讲少啲，但𠵱家会同自己讲，唔好畀呢啲对白或者中文困扰自己，无论咩困难都要面对。」

Tiffany为演反恐特勤队成员，拍摄前疯狂操肌。

贵为新一代女神的Tiffany都有男神，「彭于晏，我觉得佢靓仔！」不过对于男友外形，身高176cm的她强调唔一定要靓仔，但对高度有要求，「想平头罗！女仔都会想个男仔高啲有安全感，又唔使好fit，但系要健康罗！」另外，她又认为性格较外形更重要，「对人尊重，对屋企人同朋友好，可以睇到一个男仔为人好唔好。」不过25岁的她未心急拍拖，「仲未照顾到自己，想做多啲成绩先。」