独家丨岑珈其感激恒仔念旧乜都预佢 口水佬拍《和解》要封嘴超难顶

岑珈其在ViuTV剧《和解在后》饰内敛兼乜都冇意见的调解员「锺信立」，由于他出名口水多过茶，所以好大挑战，而最开心跟识于微时的好兄弟赵善恒再合作。讲到年初转公司，珈其坦认不想再耽误前经理人麦曦茵的创作路，期待同好兄弟刘俊谦和朱栢康拍住上。采访：杜杜 服装:Original80s、Levi’s、Dr.martens

珈其出名多口又多意见，现实要他做调解员完全冇可能。

向来有话直说唔停口的珈其，演「锺信立」最大挑战是「忍口」，「我觉得好玩但忍得好辛苦，每次cut机都会即刻跳返出个角色，因为真系冇可能冇谂法，点会唔讲自己感受，但调解员就系要冇立场冇意见。」他自问冇可能做到真正调解员，「佢哋都话我多嘢讲到好烦，人哋未讲完我应该会抢住讲自己谂法，哈哈！」

珈其跟「锺信立」性格反差极大，对他好大挑战。

《和解》中，珈其跟李敏的一段情，写得好有趣。

签新公司唔想耽误麦曦茵

珈其早在男团PlayTime年代，因邀恒仔写歌而认识，之后再一齐到马来西亚拍电影一见如故成为好兄弟，所以有机会恒仔都会搵他合作，「《一秒拳王》佢都有搵我，今次第一个剧又预我，真系好感谢佢，有咩可以一齐玩都一定会预埋我。」不过恒仔有样嘢令珈其好不满，「每次讲我都好嬲，就系我太太好锺意佢，我梗系唔开心，哈哈！我太太中学时已经听ToNick嘅歌，系粉丝，佢哋演唱会我都会陪太太去睇，多谢恒仔知我太太锺意都会预啲靓位。」

珈其跟恒仔识于微时，开心有份参与对方首部电视剧作品。

2016年珈其跟恒仔和黄溢濠出发去马来西亚拍戏，飞机上已倾唔停。

珈其虽然跟恒仔是好兄弟，一样因太太好锺意对方而呷醋。

珈其年初转投新经理人公司，他解释跟前经理人麦曦茵感情不变，依然视对方如家人，「大家回顾返呢10年，又倾将来点行落去，发觉我哋遗忘咗阿曦系导演同编剧，佢太用心照顾我哋冇时间做，都有少少内疚，不如转个新环境。好感恩遇到阿曦，佢畀我家人嘅感觉。」而珈其亦感激《缘路山旮旯》导演黄浩然介绍新经理人，开心跟刘俊谦和朱栢康做同事，「结婚时佢哋有做我兄弟，好难得大家同公司，好期待同新公司合作，想试吓冲出香港，扩阔圈子接触多啲唔同嘅作品，跟多啲劲人学嘢。」

珈其感激伯乐麦曦茵一直照顾，转公司有种下山闯荡江湖感觉。

珈其跟新同事刘俊谦、蔡思韵和朱栢康都熟络，更易沟通。

 

新网站 www.stheadline.com 已推出