炎明熹18岁生日会遭闹爆「食人唔𦧲骨」400几蚊得3粒热盘 粉丝群起反击贴相还原真相
2023-04-09 16:30 
炎明熹今日（9日）踏入18岁！炎明熹歌迷为庆祝偶像踏入成年，大搞应援活动庆祝，除了巴士灯箱广告，更有快餐店优惠、免费搭巴士等活动，实行普天同庆。日前500粉丝为炎明熹在西页WM酒店大搞生日会，还有茶点供应，又有得食又有得见偶像，相当抵玩。今日凌晨有网民在fb群组「香港茶餐厅及美食关注组」贴文留言指付费400多元但只得三粒热盘，闹爆炎明熹粉丝后援会掠水，不过最后剧情却来个大反转。
【点击睇炎明熹生日会真相】：
声称自己是陪朋友去炎明熹生日会的网民留言说：「够胆死，去西贡W酒店（应为WM酒店），畀四百几、五百蚊，食嗰三样热盘，每样只限一粒！呢条XXX，真系食人唔𦧲骨！真系佛都扯火！自己赚咗几亿㗎啦，嗰啲fans成千几人，每个平均收450蚊，都执75万啦，食埋啲咁嘅垃圾，正常一个小朋友食三粒嘢，点够饱啊？做返个人好冇？抵你生日冇XX㗎喇！所以我决心要将呢条废柴嗰日贪婪公诸于世！大家来评评理。」结果真的引来一班网民评理，为炎明熹大平反！
楼主同时贴出餐单及食物照片，见到有2款冷盘（蟹肉挞、带子他他）、3款热盘（松露小饭球、海虾酥、迷你牛肉汉堡），以及迷你鲜果挞当甜点，以茶点来说，菜色尚算不错。即使有网民并非炎明熹粉丝亦留言力撑今次的生日会：「Fans志在见偶像，你估真系谂住去食嘢啊？$450算系咩钱？」、「第一日食围餐？不嬲都每人一旧，400几平过畀人情，冇钱唔好去，你估食放题？」更有MIRROR的镜粉力撑炎明熹生日会收费合理：「我系镜粉，行过见到其实收费都好合理呀！有得见你自己嘅偶像，又有得听歌，算系咁啦。」
楼主声称自己并非炎明熹粉丝：「我之所以去，我唔系佢粉丝，只系陪人去㗎咋，谂住有饮有食有歌听，咪去罗！点知就咁濑嘢，咁大个人都未试过做老衬。」引起炎明熹粉丝纷纷反驳：「陪咩人去姐，邀请卡呢？要fans club会员先去到喎，你唔系会员点去呀？好心咪屈人啦！」还有当日有去现场的粉丝贴出当日的美食照留言说：「Gigi Fans去又打卡，又影相，不知几开心！」还有人力撑有森美做司仪外，更有每人一件生日Tee、礼品包，又有抽奖，能够与偶像庆祝18岁生日，「抵到烂」。
另外还有网民翻出WM酒店会议套餐的价目表，半日会议每位收费468元，包一次茶点，与楼主所题及的收费相若，嘲讽楼主是「乡下仔」，「食惯茶餐厅唔知价」；更有不少人直指楼主只是偷相抹黑：「偷相抹黑，做人做到你咁，咁唔见得光，都好失败。」、「佢根本就佢cap fans club图。」
【其他阅读】：
高海宁贴真空性感相S字形身材大晒曲线美 一个原因遭网民留言嗌不满
TVB小花罗毓仪学跳亚视一姐冼脑歌 遭网民嫌弃：你都系叫返Yuki顺耳啲！
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应