《爱回家》群姐入行皆因「裙脚仔」晒儿子合照个样激似白净版陈锦鸿

2023-04-06 18:00

66岁的许思敏因演出《爱回家之开心速递》的接龙清洁女工群姐而为人所熟悉，从事「特约演员」超过35年的许思敏，在2022年更获TVB罗致成为合约艺人！日前群姐接受港台节目访问，坦言从未想过这角色会这样入屋：「我初初谂住清洁女工，最多咪揸扫把倒吓垃圾过镜，点谂过会咁入屋。」群姐坦言幕后的工作人员实在功不可没：「一定要赞编剧、导演，又要我哋合作得好，监制、珍姐（曾励珍）都好好，我又谂吓群姐呢个清洁工人，点样做法好呢，呢个职业好平民化，要做到好平民化入屋先得，我个仔就话『好易做啫，妈咪，你做番自己罗！』实在系喎，我系妈咪级，平时唔使开工都系行街、饮茶、去街市买餸。」虽然群姐很爱演戏，但为了老公和儿子，曾经试过推job！

【点击睇群姐个「群脚仔」有几靓仔】：

许思敏做临时演员已经有35年，去年终获TVB罗致成合约艺人。

年轻时嘅许思敏好多人追求。

许思敏喺93年曾经同黄秋生合作《八仙饭店之人肉叉烧包》。

电影《济公》中，许思敏同张曼玉一齐扮演妓女。

《九品芝麻官》中，许思敏同苑琼丹一齐扮演妓院嘅妈妈生。

群姐好入屋。

同大小姐好多对手戏。

许思敏话伊莎贝拉群呢个名系出自大小姐。

好搞笑嘅组合。

同风少有一段雾水情缘。

成日有好多唔同嘅惊喜。

同欧阳震华合作好开心！

群姐相当入屋。

合作得好开心！

阿仔个样又几靓仔！

同阿仔关系好好。

好似两姊弟。

弄孙为乐。

群姐相当入屋。

参与过不少节目之演出。

同林小湛齐齐出席活动。

群姐唔止同阿仔关系好，连佢哋嘅朋友都好好倾！

日前群姐接受港台节目访问，坦言从未想过这角色会这样入屋。

虽然群姐很爱演戏，但为了老公和儿子，曾经试过推job！

群姐提到推job原因是因为尊重，她说：「坦白讲，如果要我好暴露、拍kiss戏，我就唔做，以前都有人搵过，但系我都推咗，因为我啲仔大个，佢哋要返工，例如角色太出位，会影响佢哋工作，被同事笑，我就唔想罗，我要尊重番老公同啲仔。」群姐在24岁结婚，婚后育有3子，现时更有4个孙，她曾经在访问上提过，年青时爱美及贪玩，有一次参加派对后遇上严重车祸险被毁容，老公的一句话促使她托付终生：「嗰次撞车之后，面上留了很大伤口，他亦说：『你有什么伤口都爱你！我畀钱你整容！』是否很窝心？那时自己好担心，成世人这么大的伤口，就反省女仔不应那么贪玩，他对我那么好，亦应该找个归宿嫁人。」

群姐不时在社交平台贴上与三个「裙脚仔」的合照，想不到他们的外貌相当靓仔，群姐称当年入行亦因为儿子：「我啲仔细个嘅时候好靓仔，有人搵佢拍教育电视，我带佢哋去，点知有一日，有个妈咪甩底冇嚟到，有个助导问我可唔可以拍，我话『梗系好，好玩！』埋位即刻做，所以之后都有搵我拍。」群姐与儿子的感情亦很好，一直都是妈咪的捧场客：「佢哋话唔再叫我做妈咪，以前就叫我『思敏姐』，而家嗌我做『群姐』，我哋出街冇人知道我哋系母子，以为我哋系朋友，不过唔紧要，最紧要系大家开心，不过我同啲仔本身都好似朋友，有乜难题都一定同我讲，所以都系好事！」

其实不止是儿子，现时每次出街，许思敏被人称呼做伊莎贝拉群，又者是群姐：「呢个名系大小姐（林淑敏）叫开，可能啲人觉得好得意，伊莎贝拉又加个群字，所以就入咗屋、入咗脑，我冇所谓大家唔记得我个真名，叫群姐，我都好开心，因为证明你有睇我做戏。」