独家丨黄又南卖楼苦主想到日本泰国置业余香凝闺房亲热俾囡囡「喊」停

2023-04-06 08:00

黄又南和余香凝（Jennifer）在电影《死尸死时四十四》首合作演夫妻，戏中两人床上大玩制服诱惑被囡囡撞破，Jennifer笑言现实曾试过类似情况。电影以香港人为层楼可以去到几尽作主题，两人就分享各自买楼计划。采访：杜杜摄影：Stanley 发型及化妆:Henry Tse@ BigCstyling(又南)、Ken Hui @ Artify lab(Jennifer)、Melody Chiu(Jennifer) 服装:agnes b(又南)、iBLUES@iblues_official

又南和Jennifer虽然初次合作，但一见如故超好倾。

又南跟Jennifer在围读时才初次见面，男方以为女方好慢热，结果好快便熟络。又南说：「第一次攞剧本同佢倾就有反应，佢好易话为好好倾。」两人话题由车到小朋友都可以鸡啄唔断，Jennifer说：「佢好锺意讲嘢，我又锺意听人讲嘢，有次转场时我哋喺度等，一倾就倾咗个几钟，总之每次喺度等我哋都会倾一餐。」

快到30岁的Jennifer，希望努力趁这几年储钱买楼。

又南认为香港楼价太夸张，有意在泰国或者日本置业。

Jennifer想35岁前买楼送妈咪

讲到戏中两人大玩制服诱惑，他们异口同声话买制服好难，Jennifer笑言：「去买时，店员会话『你咪余香凝』，哈哈！」又南提议：「我都系帮人买啫！近期拍紧部戏要呀！哈哈！」至于戏中被囡囡撞破好事，Jennifer原来都试过类似情况，「试过乜都未开始就听到囡囡喺房或者厅喊，其实咁样乜嘢气氛都唔会有㗎嘞！哈哈！」

戏中又南和Jennifer俾囡囡撞破好事，场面好搞笑。

两人首演夫妻，仲有个5岁囡囡，一家三口寄住外母毛舜筠家。

电影中Jennifer本是空姐，要着制服诱惑老公又南绝对唔难。

Jennifer同老公想亲热时，试过俾囡囡突然喊搞到无晒瘾。

对于香港人置业难处，Jennifer暂时未经历，但有目标35岁前上车，「我想买层楼畀妈咪，等佢住得近啲我哋，方便上嚟睇小朋友，𠵱家就快30岁，都想35岁上到车，真系要开始储钱，唔好再网购唔觉意买好多嘢。」而又南买楼经历就绝对惨痛，「啱啱入行同家姐个前度两家人一齐买，我嗰时仲同发展商握晒手攞折扣，但嗰时楼价太高，卖出去都蚀20万，但坚持等多半年我就可以赚400万，所以我算系『灯神』嚟，𠵱家如果有钱都想买层楼畀妈咪等佢安心，但个巿好波动会睇定啲先，我家姐姐夫喺冲绳都买咗楼，我都会考虑喺日本或者泰国买。」