独家丨Joey Tang临老出单曲全因Paco 唐奕聪离世两年太极失去动力

Joey Tang新歌由资深音乐人黄柏高(Paco)监制，两人合作有段故。原来当年由Paco安排他演绎《一切为何》、《Crystal》及《每一句说话》等经典好歌，但随著Paco转战电影圈后，Joey唱歌团火便沉睡多年，直至去年Paco想玩返啲Rock歌，而多年来Joey都有搵老师学唱歌，故一拍即合，Joey有机会献技。

Joey Tang推出单曲《救命》，再次燃起在乐坛发展的斗心。

19岁儿子啱啱大学毕业，返港为Joey Tang充当摄影师。

Joey Tang今年陆续出新歌。

Joey Tang冇放弃唱歌。

Joey Tang唱歌团火曾沉睡多年。

做《Chill Club》偷师

Joey劲开心说：「系Paco救返我唱歌条命，所以新歌叫《救命》，我都希望陆续有新歌，仲可以出返唱片，哈！真系临老先嚟冲刺。其实呢首歌都唱出我心声，我仲未发达，要供楼负担屋企开支，19岁囝囝啱啱大学毕业，但未正式工作，好彩有做《Chill Club》节目顶住。」他表示做《Chill Club》仲有一个幸福地方，可以跟一班歌手互动接触，近距离听到佢哋唱歌技巧，从中可以偷师：「好似RubberBand嘅6号把声似玉置浩二；侧田就唱爆声；张敬轩真系好正；姜涛亦能演绎到《孤独病》嘅感觉…」

Joey Tang做埋新歌MV男主角，有唔少动作镜头。

新歌MV。

Joey Tang拍嘅新歌MV取得微电影「创+作」影帝。

Paco系提拔Joey Tang唱歌嘅恩师。

Joey Tang曾于《Chill Club》跟ToNick合唱「佬味版」《蒙著嘴说爱你》。

同MIRROR不时喺《Chill Club》节目合作，Joey Tang视佢哋系member。

姜涛演绎到《孤独病》嘅感觉。

Rubber Band 嘅6号把声有玉置浩二咁靓。

另外，3月2日是已故太极成员唐奕聪(Gary)离世两周年，Joey表示怀念，他有感而发：「因为Gary系太极重要引擎，冇咗佢如同冇咗一只手，以前由佢编开曲，𠵱家少咗动力，感觉好唔同，庆幸多咗个结他手帮手。」

已故Gary系太极乐队引擎，地位相当重要。

太极乐队延续已故Gary精神。

 《星岛头条》APP经已推出最新版本，请立即更新，浏览更精彩内容：http://www.stheadline.com/