中年好声音｜十强淘汰赛制+歌单曝光吴大强被批唱得闷周吉佩Rock爆错Key

2023-03-23 18:00

TVB选秀节目《中年好声音》将于今个星期六上演第17集，正式进入入十强激战首个回合《辉黄经典》，赛制方面亦有新玩法，由今个回合开始，紧接之后连续三个回合均增设累积排名分，每个回合获得第一名的选手，可获累积排名分 10 分，第二名的选手则可获 9 分，如此类推，每个回合均会选出回合 MVP，获 MVP 殊荣者可额外获得 2 分。每个回合累积排名分数最低选手将被直接淘汰，如出现累积排名分同分情况，该回合最低分者会被淘汰；换言之经过四个回合比赛后，最终将剩下六强选手。

【点击睇十强对决精彩画面及歌单】：

本回合评审：（左起）周国丰、张佳添、肥妈、舒文（嘉宾评审）、伍仲衡。

吴大强唱温拿经典《L.O.V.E.》。

吴大强嘅招牌动作。

Bill 哥哥今次仲会边唱边跳，好 Cute。

周国丰话 Bill 哥哥一个顶几个其实系好有难度。

颜志恒唱《摘星》。

颜志恒选唱嘅歌曲虽然好有意义，但就因为 phrasing 问题出事。

伍仲衡仲话唔觉得好听咗。

林鉫徫唱《问我》。

与以往完全不一样嘅甜美林鉫徫，唔知大家又受唔受。

肥妈扮娇俏兼同舒文斗气呢 part 劲好笑。

周吉佩献唱《画出彩虹》。

周吉佩畀舒文要求重唱，到底系好事定坏事？

丁文俊《网中人》。

李佳《上海滩》。

龙婷《焚心以火》，今次仲系佢首度喺节目度唱广东歌，值得期待。

涂家尧《当年情》

罗启豪《奋斗》。

支喾仪《爱定你一个》

吴大强被舒文狠批「好慢好闷」

十强首个回合出场序将根据参赛者年龄由高至低排起，故此第 17 集打头阵者将是大热门吴大强 Bill哥哥！以「疗愈」见称的Bill哥哥，是次摇曳台风归位又唱又跳之馀，更大送心心，非常讨喜。虽然 Bill哥哥倾情献唱，但评审们却唔多受落，出名严格的嘉宾评审舒文便直指 Bill哥哥欠变化：「成件事最要好啲系 La La La 嗰段，因为 La 摆得太低，变咗好似好慢好闷咁。」周国丰则直指 Bill哥哥关键失分是「一个顶几个」，并笑言应该请四名仔仔助阵：「一个人顶晒呼吸方面会出现难题，不如你搵埋你嗰四个仔喺后面帮手，佢哋唔唱，净系 La La La 同帮手跳舞，画面都肯定好正。」到底 Bill 哥哥最终会否因一时失手大热倒灶呢？

周吉佩被要求重唱！

周吉佩被要求升一度重唱今集赛果可算是出人意表，除了 Bill哥哥，另外三位人气选手颜志恒、林鉫徫及周吉佩亦先后出状况。一心以励志Tone献唱择星的颜志恒，虽然想以歌词「星远望似高，却未算高，我定能摘到」强调勇敢追梦的心，可惜却编曲时未有留意歌词中的故事性而滑了铁卢，周国丰：「唔可以随便改结构，影响咗故事性，带唔出应有嘅 Message」，伍仲衡：「你有时改咗啲 Phrasing 好怪，又唔会令我觉得好听咗。」肥妈更直指志恒咬字有问题。至于自弹自唱、Rock爆上阵的周吉佩，虽然表演极尽视听之娱，但却因选错 Key 失却不少分数，并遭舒文即场要求升一度重唱一段，情况同样令人担心。

林鉫徫拣错歌听到毛管戥

而早已被认定是唱得之人的林鉫徫，是集将告别招牌「肉紧」及「压逼感」，转 Style 以甜美风献唱《问我》，虽然笑容甜美兼传递出满满正能量，但肥妈似乎并不受落，搞笑叫鉫徫「唔好玩嘢」：「首歌真系唔系你（唱开嗰种），我都要望吓你系咪搞错咗。依家哩，嚟到十强唔好玩咁多嘢，你仲要再吊起咗把声，问我乜乜乜，边度好听啫；你要有你自己，听到我毛管都戥埋。」肥妈边说边歌瘾大发，除模仿鉫徫以娇俏Tone唱了数句《问我》，还临场加演「数白榄版」；虽然肥妈玩得开心，但却遭舒文泼冷水谓：「好彩肥妈你头先扮嗰个声唱两句咋，你唱多一句我动杀机架喇。」