独家丨黄宗泽 胡定欣 王浩信 首画初恋对象 Friend足20年快乐互寸嘈到癫
2023-03-22 07:00 
黄宗泽（Bosco）、胡定欣和王浩信继2013年《猫屎妈妈》后，相隔10年再于《廉政狙击》合作，剧中三人是儿时好友，叫三人讲吓旧史包括初恋，估佢哋唔到表现雀跃，更首度亲画初恋对象，爆笑之馀仲好鬼嘈。采访：杜杜 摄影：Stanley (黄宗泽)形象:Queenie Yu 服装:Wardrobe: Homme Plisse by Issey Miyake 发型:Kel Fung@HH salon.nail化妆:Davina from Cyrus Lee’s team(胡定欣)形象:Queenie Yu服装: Isabel Marant发型:Matt Chiu XENTER SALON 化妆:Stephen Lau(王浩信)服装:Harvey Nichols发型: Sue Cheung 化妆: Herny Li
Bosco在现实中都有类似《廉》中的「五茶煲」友情，「初中时一齐长大嘅五个同学，到𠵱家都好好兄弟，我哋个group都系写五兄弟，所以会有啲共鸣。」而浩信和定欣就认为「五茶煲」跟他们在TVB一齐大的感情很相似，演绎时好易投入。浩信说：「我哋五个人嘅关系都差唔多10几20年，足够投入角色。」定欣跟好姊妹黄智雯真实相处的感觉亦放到演绎上，「我同智雯成为好朋友后今次第一次合作，好珍惜呢个机会，有场讲同我相认揽住我，好有感觉，最难系隐藏我嘅情绪，佢出现感情问题我畀意见，虽然现实佢唔需要我咁做，但嗰种对谈就好似现实中智雯同定欣，好情深倾偈嘅感觉。」
王浩信心仪同学似晴子
讲完角色就返回现实讲吓旧时，初恋是必答题目，要三人用画画方式公开人生首位心仪对象，三人未落笔先兴奋，边画边讲更互相不停插嘴，嘈到呢。
（王：王浩信、黄：黄宗泽、胡：胡定欣、记：记者）
先由读美术的王浩信打头阵，画得有水准兼劲有动漫感觉，Bosco和定欣都睇到哗哗声。
王：我系锺意画漫画，呢个系我第一个画嘅image，有少少参考我锺意嘅日本……。
黄：（抢答）饭岛爱（已故日本知名AV女优），哈哈！
王：哈哈！参考好锺意嘅日本漫画《男儿当入樽》裹面嘅赤木晴子个画风，都有少少似我初恋情人。嗰时我14、15岁，初恋对象都系眼大大，鼻高高，头发短短，因为学校唔畀留咁长，佢系同学嚟，但我哋冇一齐到，来龙去脉唔讲咁多，我嗰时好怕丑，由F1锺意佢到F2，F2终于同班，佢仲坐我隔离，但我全个学期紧张到一句说话都冇同佢讲过。
记：你冇同人哋讲过嘢，以为你憎佢𠻹！
黄：系啦！
王：怕丑嘛！
胡定欣细个暗恋「张兆辉」
轮到胡定欣，当事人自称只识画火柴人所以放弃唔画，选择用名交代。
胡：张兆辉，辉哥！
黄：唔系要画嘅咩，我都敢出街啦！
胡：辉哥咁靓仔，我惊画得唔好呀！我读紧小学，好记得去一个老师屋企补习，曾经出现过一位哥哥，我系心心眼，补紧习偷望佢，个感觉好似辉哥，仲谂将来老公要拣呢类型，好有安全感好稳重。
记：嗰时系咪睇得多辉哥啲戏？
胡，唔系，系嗰刻觉得呢种男人好吸引到我，但我真系读小学㗎咋，好单纯嘅感觉。
问到有否同张兆辉讲过？定欣表示有，而辉嫂当时亦在场，但她已忘记辉哥当时反应，Bosco即笑言，「辉哥喺度震紧，我老婆喺隔离讲啲咁嘅嘢，哈哈！」定欣即补充，「今时今日我认识辉哥，知道佢嘅好，证明我锺意系冇错，佢系好好嘅老公。辉哥每次行出嚟，我都觉得真系好靓仔呀！」
Bosco有兄弟帮手追女仔
Bosco压轴出场，讲明唔识画画，但仍然好勇敢公开大作，仲边画边唱出卖年龄的歌「圆圈加一点，圆圈加一点。」以为Bosco品味奇特，暗恋对象似多啦A梦，「系我第一个锺意嘅卡通，边个生到叮当咁样，哈哈！」搞完事先肯正经答。
黄：初恋咪同班同学，F4、F5，咦！有冇记错。
胡：定系小4小5，哈哈！
王：K1，哈哈！
黄：应该系F6、F7，佢系第2间学校转过嚟，短头发，唔系大大的眼，我同佢（王浩信）有分别。
王：佢锺意单眼皮。
记：点样追到佢？
黄：都系一大班朋友约出去玩。坐吓埋啲，坐吓埋啲咁罗！
胡：叫你啲兄弟欺负佢，你再英雄救美，哈哈！
王：点知啲兄弟真系欺负佢，哈哈！
黄：男仔都系咁，你锺意边个其他会帮忙攞电话，帮兄弟做啲嘢。
记：毕咗业就完？
黄：我入咗行先至完，呢啲就唔好提啦，又唔系伤心嘅，不过过咗去。
新网站 www.stheadline.com 已推出
最新回应