专栏｜广岛三箭主场大发「雷」霆

艾尔上次提过，日职系小弟另一个较关注嘅联赛，日本足球动画对艾尔有好大影响，《足球小将》、《闪电十一人》、《蓝色监狱》等实在扣人心弦，搞到艾尔留意多咗日本足球赛事。另外，由以往嘅冈奇慎司、香川真司，到近期嘅三笘薰、古桥亨悟等，日职不时出现一啲有质素嘅球员，旅欧之后大放异采，而联赛嘅观赏性同娱乐性愈嚟愈高，各位可以多加留意。

今个星期日广岛三箭会喺主场迎战柏雷素尔，三箭以往喺森保一同城福浩监督带领下，踢法沉闷且成绩停滞不前，管理层上季决定请德甲执教多时嘅史基比做监督，结果攞到联赛杯冠军。

事实上，上季三箭联赛场均预期入球达1.86，仅次于横滨水手嘅2.20，排联赛第2，球队进攻侵略性大幅提升。依家以3中坚为基础嘅三箭，成功解放森岛司、宾卡利法等中前场球员嘅进攻能力，系今届嘅争标球队之一。

不过，三箭防守唔太稳阵，今季暂时4场联赛只有1场无失波。今次面对同样入得又失得嘅柏雷素尔，先取入球大细2.5球大，角球大细10.5球大亦可以考虑。艾尔

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ