杜如风因为一件事遭好友离弃15年 刘浩龙：好似喺我人生里面消失咗
2023-03-13 10:00 
「旅游达人」杜如风因为超级自恋兼自大，再加上经常炫富，试过自爆屋企有过千对鞋，物质主义形象深入民心，结果被网民封为「世界级港女」！日前杜如风现身好友郭伟亮（Eric Kwok）和师兄刘浩龙主持的J2节《铺铺 Poker》，竟然被好友大爆「衰嘢」，仲因为呢一样嘢，结果搞到：「喺呢15 年所有人都放弃咗佢」！
【点击睇「世界级港女」杜如风过往相片】：
在节目上，Eric Kwok形容与杜如风的关系「熟到冇得再熟」，认识超过20年以上，，他笑称见看到今时今日的杜如风，总算老怀安慰：「又有事业心，又冇迟到，其实呢 15年嚟，我哋所有人都放弃咗佢，佢系一个冇责任感、净系顾住玩、从来唔守时嘅人，约佢今日可能第二日先到，好离谱。不过你发梦都估唔到，佢而事业心重，有规律，仲好准时，我都好震惊。」刘浩龙亦不住说：「本来佢好似喺我人生里面消失咗，但系今日重新喺呢度出现，玩得好开心。」
听到好友们的说话后，杜如风亦急不及待为自己「洗白」：「我冇迟到几年喇，系喺我开始冇乜嘢做嘅时候，觉得自己系咪应该做返好啲个人呢，我得道咗，而家我有早到㗎。」其后糖妹又问杜如风有否打算生小朋友，一旁的 Eric 抢答：「我谂做佢嘅小朋友都唔想出世。」本来杜如风和应：「都几大镬㗎！」不过师兄即说：「未必，可能系一个大变化，再醒啲，想当年 Yumiko (郑希怡) 最憎细路仔，要杀死晒所有细路仔，一见到佢哋就话要整喊佢，最憎，点知而家整咗个梁浸浸！」
多年来杜如风的感情生活亦有不少话题，多年来曾与黄又南、导演郭子健、余文乐等人传过绯闻，又自爆自己在年轻时很多人追求，曾有三位追求者揸名车到她的工作地点接她放工，又试过多次被人求婚，不过感情仍未有着落，单身了9年的她更说：「我都想有拖拍，又冇人追。我想讲做咗十几年旅游节目，拍摄期间从来都冇艳遇嘅，你话死唔死，系香港已经冇，但无论去到世界边一个地方，都系冇艳遇嘅，呢件事从来冇都好沮丧，不过算啦靠自己。」她更扬言目前择偶要求已经不高，眼耳口鼻齐就可以。
【其他文章】：
吴京旧照网上疯传青靓白净样胜时下小鲜肉 传曾力追樊亦敏因穷被拒爱
洪欣十指紧扣疑出轨老公张丹峰！现身机场变「翻版世纪一拖」 网民嘲讽多过祝福
62岁陈玉莲低调现身聚会被集邮 靓样依旧散发优雅气质 合体《巨人》陈法蓉掀集体回忆
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应