陆骏光拍《皆大欢喜》试过做20个闲角收入稳定地少连阿妈生日都唔够钱畀

2023-03-12 14:06

入行超过20年、45岁的陆骏光（嗱喳）终于捱出头，在电影《流水落花》中做男主角，与郑秀文饰演寄养家庭夫妻，初尝做男一的滋味，其实当日陆骏光演艺毕业加入TVB工作后，发展不如理想，入行初期试过在处境剧《皆大欢喜》由古装版做到时装版，演出超过20个角色，但全部都系小贩、官兵、顾客、打手、托猪工人、修路工人，武师，记者和恶人等等闲角，日前陆骏光接受商台节目《星光背后》的访问，回想当日的演艺生涯，他坦言：「以前都有怪公司点解唔畀机会自己，但系而家谂返自己都有责任。我最记得有一次同陈豪喺九龙城拍外景，本来谂住行去上车离开，点知听到有市民话：『哗！陈豪好有型呀，隔离嗰个，唉』呢啲说话，嗰阵个心有啲难受，唔明佢点讲呢啲说话，我又唔系要斗啲乜嘢，我都有谂过系咪唔应该再留喺呢一行？」

【点击睇陆骏光过往相片】：

行超过20年、45岁的陆骏光（嗱喳）终于捱出头。

模仿《半泽植树》被喻为「港版堺雅人」。

参与过不少港视剧集之演出。

《太平纹身店》

《东方华尔街》

演出经验相当丰富！

妈妈同太太一直支持追梦。

参与过不少剧集之演出。

《导火新闻线》

陆骏光2015年与圈外女友茵茵结婚。

2012年，陆骏光跳糟去港视，事业出现一点曙光。

《火速救兵 IV》

《Plan B》

电影《流水落花》中做首次做男主角。

初尝做男一的滋味。

同郑秀文饰演寄养家庭夫妻。

事业发展不如理想，经济当然亦有出现问题，陆骏光出道时底薪只有6000元，问到到收入是否稳定？他有点尴尬地说：「稳定，系稳定地少，计埋爆骚都有万几两万蚊，但呢个唔系一定，好彩屋企唔使我有太大负担，我同妈咪住，有哥哥负担，可以奢侈地追梦。」不过他有点自责没能力尽子女责任：「我记得有一年妈咪60岁大寿，妈咪话好想食鲍鱼，嗰阵三个兄弟一齐夹钱，我自己都揿咗三、四蚊出嚟，点知一嚟张单，揿出嚟嘅钱都唔够夹，嗰刻眼泪想飙出嚟，最后哥哥帮我畀埋，其实我都试过要出啲活动，阿妈畀钱叫我买套好啲嘅衫。」

直到2012年，陆骏光跳糟去港视，事业出现一点曙光：「一来系钱，二来系机会，我好多谢艾威，系佢喺经理人面前推荐我，佢哋都有讲对演员嘅planing，人工嘅底薪仲系以前嘅3、4倍，仲未计爆骚，不过机会真系多咗，有好多发挥嘅机会。」可惜最后港视发牌梦碎，陆骏光亦于2015年约满失业。

不过当时陆骏光选择与圈外女友茵茵结婚：「太太系我能量嘅泉源，以前我觉得自己发脾气系『老冯』，唔会理人哋感受，我哋拍拖之后，系佢令知道系唔啱，仲好支持我，就算我想放弃佢都叫我唔好，要继续坚持。」