港女呻「阿妈要同男友阿爸结婚」 网民：有情人终成兄妹？｜Juicy叮
2023-03-05 14:00 
一名港女在「香港讨论区」以「阿妈话要同男朋友阿爸结婚」为题发帖，讲述错综复杂、情节离奇的未来亲上加亲「亲戚」关系。
早于两年前已和男朋友见过双方家长的楼主透露，当年见家长后，「已经发现男朋友阿爸同我阿妈好似有啲嘢，成日都会联络，又会约出嚟，虽然佢地都系单身，就算一齐都冇咩嘢。但系我同男朋友都一齐紧......」
楼主续指，「早几日，我同男朋友同佢哋食饭，佢哋同我哋讲，佢哋打算结婚！！佢地结婚嘅话，我同男朋友系唔系从此要兄妹相称？同埋佢哋都五六十岁啦，仲结咩婚！虽然阿妈有幸福系好事，但佢哋咁样我同男朋友仲可唔可以继续一齐？」
楼主接著称「佢哋话佢地都好开明，唔会介意呢啲，就算以后佢哋结咗婚，我哋都可以照结婚。但系将来嘅嘢冇人知，结婚就好，如果之后同男朋友分咗手，咁Ex咪系我阿哥？」大呻「好复杂嘅关系呀！！」，但不忘补充「见到阿妈开心我都开心」。
楼主大呻及网民回应：
网友都金睛火眼细读内容，感叹是「奇闻」，「剧情好离奇，可以卖桥拍出戏，肯定会大收！然后一家四口接受访问，成爲网红，拍广告，搵真银！」、「佩服楼主的奇幻经历，人生赢家！！」，指情况是「亲上加亲」、「有情人终成兄妹？」，如「粤语长片」及「韩剧剧情」。
网民理解楼主百感交集的心情，纷鼓励正面、乐观面对：
●「咪好罗，闭门一家亲。」
●「无问题呀，缘来没法挡。」
●「无血缘关系，闭门一家亲无问题。」
●「最紧要佢哋两个觉得开心，咁屋企就会和谐。」
●「冇血缘嘅兄妹可以嘅，最紧要你哋父母双方锺意。」
●「佢哋开心咪得罗，佢哋都抛得开世俗嘅枷锁，返而后生嘅睇唔开。」
●「关系变复杂咗⋯⋯其实都系麻烦，不过你阿妈有人锡，都系好事，平常心去面对。」
●「你妈子，你既可以叫阿妈又可以叫奶奶，你男朋友老豆，你既可以叫阿爸又可以叫老爷。」
●「你生长40~50年代咩？你有你结婚，佢哋长辈双方都冇另一半，结婚有乜所谓？佢哋开心唔好咩？」
●「唔好理咁多，佢有佢哋结婚，你有你结婚，两对夫妻冇血缘关系，一啲问题都冇，唔使理世俗眼光。」
●「唔好担心咁多，佢哋有佢哋结，你哋有你哋拍拖，就算日后结婚又如何，分手又如何呢？世界变得好快，勇敢D，唔好咁迂腐。」
●「将心比己，搵到另一半真系唔易，你应祝福佢哋，何必担心啲世俗眼光。如你第日结婚，叫佢亚爸做老爷，你老公叫你妈做外母咪得罗。」
●「呢个关系未算复杂喎，有D case，系男朋友个阿爸同女朋友结婚，男朋友去搵女朋友阿妈结婚，即系个Ex男朋友要叫Ex女朋友做阿妈，但Ex女朋友同时叫Ex男朋友做阿爸。」
有网民则教路，「不如你同你男朋友结咗婚先，睇下佢哋仲结唔结」、「几多岁仍有追求幸福的权利，他们放下可能面对的压力和眼光，值得佩服和祝福，如果你介意，可以考虑你和男友先登记结婚，之后再请妈咪他们登记就好，相信全世界没有多少人会介意，主要来自你的执著」、「关系错综复杂，叫佢哋同居咪算」；另有网友笑言「佢老豆都几醒，搅掂咗你老母，第时佢个仔娶你畀的礼金又自己收番」。
帖文来源：香港讨论区
相关新闻：
人妻呻老公成日返大陆过夜 网民献计图一招封喉
通关后有人欢喜有人愁。有家庭主妇近日在facebook讨论区大呻，指「老公最近成日返大陆过夜」，担心「上面唔知系唔系有第二个」。回应的网民热心地抽丝剥茧帮忙分析，大部分人均认为举动有可疑，甚至断定情况不乐观。有网友献计「话一齐去」、「查佢银行，尤其消费方式」，这招获楼主肯定，指「查银行呢个方法好似唔错」。
同场加映：
港女公众场所「露体吸客」谷咸片 违法网售多P淫片 疑集团式操控
本港社交平台涌现有港女在公众场所「露体」的相片，引来网民热烈关注，《星岛头条网》记者追查发现，「露体」淫照最少涉及五名港女的社交帐户，帐户均连结售卖多P杂交等大尺度淫片，怀疑有人违法借「露体」出位宣传淫片招徕顾客，有资深警官估计事件可能涉及集团式操控。
两女连锁快餐店露乳 情侣自拍淫片销售
今日(9日)社交平台热传一张两名港女在一连锁快餐店裸露胸部的相片，相同模式的公众场所裸露相片及影片，近半年在社交平台不断出现，并迅即成为网上热话。
该些港女的社交帐户均连结会员收费平台，甚至有自称情侣自拍淫片销售，收费采会员制方式，价格由每月数十元港币，至数百元港币不等，淫片寄存的平台伺服器相信位处英美等海外国家。
踢爆港女公众场所「露体潮」 疑吸客谷咸片↓↓↓↓
最新回应