独家丨谭凯琪分享御夫术靠靓样冇用 拍剧玩「裸泳」老公心痛惊冷亲

41岁索人妻谭凯琪（Zoie）挑战超大尺度，在TVB剧集《新四十二章》中挑逗陈豪玩「裸泳」，Zoie背面无遮掩出镜，睇到观众哗哗声。现实生活中，Zoie强调唔系单靠外表箍实有米老公庄日宇，她更分享御夫术：「乜都假，做女人最重要对自信！」采访：方骞平 摄影：邓国良 场地：Coffee Art

41岁谭凯琪贵为人母及人妻，但外形仲好Young。

Zoie强调唔系单靠外表箍实有米老公庄日宇。

Zoie分享御夫术。

谭凯琪在剧中跟陈豪在沙滩倾心事后「全裸」入水畅泳，被诱惑嘅陈豪眼睩睩紧随其后，除埋底裤齐鸳鸯戏水，火辣指数爆表。Zoie谂返都话难忘：「老公唔会有意见，佢惊我冷亲啫，所以当日我准备姜茶暖身，因为拍摄时经已入秋，当日仲拍到差唔多天光。」

在《新四十二章》中挑逗陈豪玩「裸泳」成为热话。Zoie强调唔系真全裸，「拍嘅时候著晒肉色上、下身打底先至落水。」

谭凯琪诱惑陈豪。

两人鸳鸯戏水。

用催眠方式教女

Zoie首次扮演临床心理医生角色既新鲜又好玩，学到嘅技巧可用于家庭上：「我会用催眠方式同囡囡Baby G洗脑，如果讲1次唔听就讲够2至3次，小朋友系一张白纸，要用正向方式教导，唔想佢做嘅嘢，如跳嚟跳去，家长唔好成日话No，反而要引导佢慢慢行过去，做妈妈每日都有好多嘢学。」

Zoie首次扮演临床心理医生角色既新鲜又好玩。

Zoie抱住两岁半大，面仔肥嘟嘟嘅Baby G，至于追仔就顺其自然。

囡囡Baby G已两岁半，Zoie目前努力为拣学校做入学准备。问到会否追多个B仔？她表示不抗拒，但冇刻意计划：「系嘅话要两年内完成，趁唔使日日开工就顺其自然(造人)，因为凑细路要陪佢玩，花好多元气及精神，仲攰过返工，开工仲会放松啲。」热爱拍剧的Zoie只想继续做好事业，冇打算做全职妈妈，强调只要牺牲休息时间，事业和家庭一定可以兼顾：「我会以身作则教小朋友，锺意做嘅嘢要唔怕辛苦，坚持到底。」

囡囡Baby G已两岁半超可爱。

母女家中互动。

龚嘉欣称职妈妈

Zoie成为人母后身材玲珑浮凸Fit过做女，之前在社交网po滑溜长腿相，连「天后」郑秀文睇到心心眼，她开心说：「唔算索啦，大把人索过我，我都系掩饰得好啫。开工时食得少又唔够瞓自然会瘦，平时都为食，但会节制，喺屋企尽量食啲健康嘢，唔会食宵夜及零食，最锺意系饮汤。」问到系咪要keep住靓样箍住有米老公？她即否认：「我冇呢啲喎，凑女时匆匆忙忙零装扮，其实打扮都攰。」Zoie嫁得好，家住九龙塘6千万豪宅，老公系金融才俊，但她唔怕老公被引诱：「我觉得先要做好自己本份，做女人最重要对自己有信心，唔止外在，我内在都取胜，而且阿女系最大王牌，因为佢比我更紧张个女，阿女唔啱会出声。」有美满家庭的Zoie祝福好姊妹龚嘉欣：「当佢遇到啱嘅人自然会ok，呢方面我冇担心过佢，而且佢咁锺意小朋友，将来一定系称职妈妈。」

Zoie唔担心好姊妹龚嘉欣会嫁唔出。

Zoie喺社交网晒长腿，连Sammi都畀like。

Zoie家住九龙塘豪宅，单喺花园都好大。

除龚嘉欣未婚，「少妇联盟」的谭凯琪、沈卓盈、陈凯琳个个嫁得好。

Zoie身材玲珑浮凸Fit到爆，真系唔怕Show出嚟。

做女人唔可以懒，Zoie唔使开工时会保持运动量。

平时Zoie会注意饮食，以健康食物为主。

做女时身形反而比𠵱家有啲肉哋。

跟谭俊彦喺剧集《十八年后的终极告白2.0》揽住共浴，意识大胆。

Zoie老公庄日宇唔止有米，仲一表人才。

《星岛头条》APP经已推出最新版本，请立即更新，浏览更精彩内容：http://www.stheadline.com/