独家丨江嘉敏身体差毛囊发炎胸前含脓 戒公主脾气搵叻男友

28岁的江嘉敏（Kaman）在TVB新剧《新四十二章》中遭周嘉洛连环掌掴，真系好惨猪，不过镜头外原来仲惨，她拍《黄金万両》及《新》剧期间分别试过晕低，吓亲剧组人员，但她仍坚持要做打女及拍古装剧。她大笑说：「我好捱得㗎，可以无限轮回，晕过后再中暑，冇事。」采访：方骞平 摄影：孔子 服装：Breathing_Store 化妆发型：NamNam Lam @ Namnam studio

江嘉敏胸前毛囊发炎未去印，唔敢着低胸衫。

江嘉敏现正努力减肥。

目前以工作为重。

要好好调理身子。

江嘉敏拍《新四十二章》期间曾晕低，但她否认外传因为M痛而痛到晕：「其实系因为剪短发，想身形好睇啲，所以每日只系食青瓜、鸡蛋及粟米嚟Keep fit，加上要应付大量嘅动作戏及吊『威吔』戏，拍摄时间又长，冬天要着夏天单薄衫拍，所以体力不支晕低咗，直情要瞓上担架畀人抬走…」

Kaman喺新剧《新四十二章》中遭周嘉洛连环掌掴。 ​

新剧《新四十二章》中好多吊「威吔」戏。 ​

打到伤痕累累。

好姊妹邝洁楹每日为她刮痧，清除体内毒素。 ​

成日中暑吓亲剧组
平日一向「大喇叭」的江嘉敏好少咁静，突然零反应都吓亲剧组：「马海伦仔女做医生，佢送咗个血压机畀我日日检查住血压，糖妹叮嘱我多饮水，邝洁楹仲每日同我刮痧，等我冇咁多毒素积聚喺体内。其实之前拍古装剧《黄金万両》时唔止搞到毛囊发炎，胸前又红又肿兼且含脓，又中过暑晕低，麻烦到前辈薛家燕、林漪娸帮我拨凉及冰敷降温，真系印象难忘，所以𠵱家要调理身子，注重健康为主，就算有人追，情人节收到花都唔强求，睇缘份啦。」经历上次感情创伤，Kaman学会要沟通，同埋要戒公主脾气，因为冇嘢系应份。她强调择偶条件唔一定系有钱人，只要有上进心就得：「因为我蠢，要个叻啲嘅人傍住，但太叻嘅话就同佢沟通唔到。」

拍古装剧《黄金万両》时搞到毛囊发炎唔敢着低胸衫。

去年暑假拍《黄金万両》曾晕倒。

前段恋情教晓Kaman沟通重要性。

江嘉敏情人节收到花。

江嘉敏被监制嫌肥正努力减肥。

《星岛头条》APP经已推出最新版本，请立即更新，浏览更精彩内容：http://www.stheadline.com/