麦振江专访丨拒搵袁志伟荐主播女儿入TVB 爆「中东呼吸综合症」食螺丝事件：我以为电视坏咗
2023-02-24 11:00 
在电影《毒舌大状》「原审法官」的麦振江，在1979年被选中担任《警讯》主持，一做便做了15年，多年来被观众定型为「麦警司」，但其实他并非警务人员出身，反而在1974年曾报读TVB艺训班，同期同学有周润发、卢海鹏、邓英敏、罗冠兰，以及已故的林岭东和吴孟达等，不过最后竟然因一件事而未毕业，他的演艺生涯亦从此被改写！
早前麦振江接受《星岛头条》访问，他娓娓道来当年投考训练班经过：「73年嗰阵我戆居居仲系读紧中六，见到无綫有电视训练班，嗰阵我考虑咗好多日，主要系因为嗰阵我住喺柴湾啲屋邨，如果嗰阵TVB畀我考到，咁就惨喇，山长水远，嗰阵时要喺柴湾搭车去北角码头，再过海去到码头，再坐7B巴士去到横头磡，即系而家嘅乐富，然之后仲要行上去广播道，后来发觉真系好远，点知又畀我考到。」
麦振江指面试期间又发生一件趣事：「嗰阵喺无綫广播道大堂报名，突然间陈有后行过嚟望住我，问我嚟做乜嘢，我咪话我系嚟考试，之后佢仲问我做乜嘢要去考试？跟住佢行近啲望咗我一眼就话冇嘢。我本身系唔识佢，完全唔知发生乜嘢事，直到我考咗入去训练班直接问后叔，问番佢记唔记得呢件事，佢就话认错我系潘志文。」
不过最后麦振江都没有顺利毕业：「我读咗两个月左右，患咗『气胸』，即系而家讲嘅『爆肺』，入咗医院住咗个几两个月，返去TVB就话程序系跟唔番个进度，叫我第四期训练班再来。咁我咪去读番form 7，最后毕咗业，见到浸会大学有传理系，咪决定边读书边考训练班。」最后因为功课太忙而打消了读训练班的念头：「读传理系嘅同学有阿旦郑丹瑞、袁志伟同叶家宝，因为嗰阵读学分，可能要隔好耐先上第二堂，阿旦佢嗰阵喺商台，袁志伟就喺新闻部，我见到丽的电视开训练班，咁近咪走去试吓，点知又畀我搵到，于是咪当part time咁玩吓，辗转都有返去TVB拍剧，同石修仲有合作！」
直到1976年，当时政府新闻处想搵一个人做清洁沙滩嘅宣传活动，麦振江从众多的面试者中脱颖而出，除了做清洁沙滩和表演之外，还有做个叫「欢乐篷车」的司仪，这架「欢乐蓬车」基本上是一个由货车改装成的流动舞台，将车顶及四边摺叠好，成为一个14尺的表演台；车上有一具八千瓦特的手提发电机，一方面供应电流予音响器材外，同时亦有足够电力供夜间表演的灯光系统所需，蓬车只需阔九尺之通道，所以可以驶入大部份公园、游乐场，以及徙置屋邨、新区等作宣传及表演：「当时一个月有16晚要做骚，我就喺台上做主持，有粤剧、舞台剧、电台广播剧等，夹番个主题做啲宣传，好似沙滩清洁、道路安全、警察招募、扑灭罪行资讯等等！」之后因为他掌握不少警察资讯，凑巧《警讯》需要一个节目主持而被邀试镜，成功试镜后，一做就做咗15年主持工作。」有段时间麦振江一星期做足7日，休息的时间都欠缺，他笑说：「我都有谂过如果当日做演员，唔知发展系点，亦都唔知做乜嘢节目，所以谂番都觉得几好玩。」
当年在港台工作属公务员的身份，直到退休后退下做主持的火线，好好享受退休生活，麦振江近年最广为人知，必定是他的宝贝女麦诗敏在无綫新闻部任女主播，因外貌端好再加上笑容甜美，成为不少人追捧的女神，麦振江被问到女儿是否受他影响而成为主播，他说：「其实佢唔系睇咗我好多，佢细个嗰阵，冇耐我都已经唔系成日出镜，不过我都有同佢讲吓当年嘅经历，我都有鼓励佢，嗰阵佢喺科大毕业之后，喺跨国企业做嘢，主力系接待嚟香港交流嘅员工，做做吓系觉得有啲闷，我咪问佢够唔够胆好似爸爸以前一样出镜，做主持嘅工作。嗰阵我冇搵袁志伟介绍，我成日觉得始终介绍一个人，如果呢个人真系唔得，无谓要勉强人哋畀呢个机会，对边方面都系唔好，咁啱嗰阵有主播招募，所以我叫个女试吓，之后又成功咗，点知做咗唔够一个月，整咗单『中东综合症』出嚟。」
麦诗敏当时将「中东呼吸综合症」读成「中东呼吸中级综合呼吸中东呼中级呼吸中东呼吸综合症」，结果被网民疯传成为热话。麦振江笑说：「其实咪好似演员对白NG，读错咪停一停、跟住先再读番啱，一救就死，嗰晚我睇嘅时候，以为系电视机坏咗，讯号出现问题，虽然公司冇人话佢，但系佢系有少少唔开心，点解会咁失败，最惨估唔到深夜仲有人睇，仲整咗段片出嚟。我之后都有同佢讲，呢个系一个好好嘅教材，令你学识咗要点样应变，初初亦都要谂到要点样停，学习吓人哋错咗系点样做，而唔系不断救，结果咪成为笑话。」
对于女儿目前的表现，麦振江直言仍有很大进步空间：「不过我唔话佢喇，费事佢唔开心，佢系可以做得更加好，仲需要一啲时间，我以前都有搵佢拍《警讯》，主要系等佢了解吓拍摄嘅嘢，睇吓喺呢方面有冇兴趣，出嚟嘅效果系接受到，慢慢睇吓佢仲会有乜嘢变化。」退下火线的麦振江，至今依然留意社会动态：「我仲有参与《艺进同学会》嘅工作，今年系35周年，睇吓会唔会有啲嘢搞，大家齐齐坐低见吓面，去吓啲探访活动！」
摄影：罗安强
场地提供：Harlan's (The ONE)
【其他文章】：
黎耀祥老婆激罕短裤look晒白滑美腿有肌肉线条fit爆 唔使开工最爱行超市买餸
菊梓乔炸伤耳返港新相鼻梁忽然笔直？再「进化」吓亲网民：完全认唔出
「宠妻狂」陈豪送陈茵媺逾200万Hermès袋 曾送炒价30万限量版情人节再送大橙盒：My Forever Valentine
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应