「双面人」梁文礼蒲头称太爱梁咏琪用词肉紧 Gigi：大家都放低向前行吧！
2023-02-20 13:02 
商台DJ梁文礼被踢爆「双面人」行为，日前他睇完头场演出后，先在公开的IG分享演唱会的照片，仲留言大赞Gigi好靓，但转头就在个人的FB撰长文狠插演唱会，结果惹来网民狂轰，有传媒向梁文礼了解，但他「潜水」未有回应为事件。今日（20日）梁文礼主持商台节目《叱吒乐坛》，在节目一开始时，公开向梁咏琪道歉，希望这个回应大家系可以接受！
【相关文章】：
梁咏琪低胸高叉晚装开骚走光露打底裤 张敬轩做嘉宾企女神隔离冇晒自信
商台DJ梁文礼私人FB狂数衫丑唱功差 梁咏琪认有进步空间：每一个意见都会接受
【点击睇梁咏琪演唱会靓相】：
声称对Gigi太肉紧的梁文礼，他先祝梁咏琪在过去三晚的演唱会成功后并说：「有好多乐迷好锺意呢个演唱会，喺时间上嘅run down带畀佢哋好多回忆。首先我要同梁咏琪同埋演唱会嘅团队，甚至有买飞入场嘅观众讲声唔好意思亦都对唔住。」他续说：「首先我睇完第一晚之后，喺自己嘅私人平台好肉紧咁觉得有多嘢应该要点样做，歌曲点解会咁样斩一半，喺自己个平台好肉紧咁样，而传媒就话系『狠批』梁咏琪演唱会，我都希望呢个回应大家系可以接受。」
梁文礼接着一轮嘴地说：「一个演唱会有好多面向，大家点样接收，当然系由观众自己选取，我都希望可以再有另一个角度，例如系DVD再睇呢个演唱会，我接受到好多乐迷嘅讯息，可能系坐位角度睇唔到，希望可以再次睇呢个骚。」他又称自己与梁咏琪私下不相熟，事件发生后，他透过Vani向对方解释：「我send咗一个有好大段文字嘅讯息畀梁咏琪，希望佢可以接受我对佢嘅道歉，我都有话佢知点解我咁肉紧去表达意见，希望佢都可以消化。」
关于文字讯息的内容，最初梁文礼话「唔谂住公开」，殊不知转个头就话：「过去4次红馆演唱会，甚至阿Sam嘅《仲夏狂想曲》，甚至CD以及每一个单曲派台，我都真系有细心听，所以某程度上，我唔系一个旁观者，所谓嘅一个《叱吒乐坛》嘅主持去狠批演唱会，我都系好锺意梁咏琪嘅歌，佢嘅歌系陪伴我生活上面嘅一啲经历，或者系好多种种问题，我都都肉紧，喺个骚度听咗啲乜嘢歌，所以先有咁嘅回应。」
梁文礼声称自己希望向梁咏琪「示爱」：「我真系好支持梁咏琪，希望佢喺完骚之后，透过Vani可以一齐倾吓偈见吓面，我都冇话要同佢树敌，亦都好欢迎佢嚟我哋呢度。」梁文礼更说：「佢有6尺高嘅大量，应该比一般人好好多！希望Gigi可以开心，都好好放假。」最后他说：「我哋每日返到嚟商台，喺直播室一开门就见到对联，呢个对联系每日都望到，望完先会入直播室，呢个对联系商台嘅座右铭『话到口中留几句，理从是处让三分』，呢个系何佐芝提醒大班（郑经瀚）凡事留有馀地。当大班离开商台后，对联仍然挂喺直播室门口，我觉得我哋一日返嚟做节目又好，又或者喺生活上讲任何一个意见到好，其实都要好好思量呢句对联所讲嘅嘢，先再作出下一步。」
其后梁咏琪经理人亦有回覆梁文礼道歉：「Gigi刚完成演唱会，我让她这几天在家好好休息。事情就让它告一段落吧！谢谢外界对演唱会的好评，整个团队都很振奋，Gigi也在不断力求进步，大家有目共睹，大家都放低向前行吧！」
【其他文章】：
「最美千金」何超欣颜值越来越高 出席世界首脑会议尽显何家地位
60年代影星金汉凌波激罕露面！追求健康生活唔似年过80 移民多年曾扬言因一事不再回港
45岁任港秀近况曝光 拍三级片裸露演出做艳星 疑涉向富商「送外卖」毁前途
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应