程可为坚拒结婚唔觉系一种幸福 拒认系富婆：如果系就唔使喺TVB捱
2023-02-07 14:00 
人称「程大姑」的72岁资深演员程可为原来两年前与TVB约满，目前以自由身工作，1972年入行的程可为在1983年因为移民而离开了电视圈十多年，因为太爱演戏的关系，最后1996年回流返港继续拍戏，结果一拍就拍咗27年，虽然复出拍剧多次被安排饰演妈妈或长辈的角色，但她一点都不介意：「我觉得演员系咩角色都要担任，好似读训练班嗰阵，老师陈有后话『有一个角色，你哋喜欢做就举手。』，跟住佢话要演一个死尸，冇同学愿意举手，我就第一个举手。你如果唔踏出第一步，点会有人会留意你呢？你争取咗呢个机会，起码有人留意咗你个名先，好唔好戏就另议。」
【相关文章】：
72岁程可为约满TVB自由身接job 坦认有一段时间心情好难过
【点击睇程可为美食之旅相】：
有「御用阿妈」之称的程可为，在现实生活中，因小时候经常见到父母闹交，令她一直不相信婚姻，她曾经在访问上表示由于爹爸爸有几个太太，但她们会经常出现争执，妈妈与爸爸亦经常为了一些琐碎事吵架，令她自小就觉得婚姻不是一件美满的事，所以多年来坚守「不婚主义」，很享受一个人生活的自由，曾经拒绝过两个男朋友的求婚，坚持不靠男人靠自己，宁愿打一世工就好了！近年亦有不少人追问这问题，程可为亦不忌讳地说：「我点解要做妈妈？我至憎结婚，唔好同我讲结婚，而家咁老都唔想结婚，我从来都冇谂过，亦唔觉得系一种幸福。
同时，程可为是圈中出名的富婆，经常出入「富豪饭堂」之称的「福临门」，不过她曾在访问上否认此事并笑说：「如果系就唔使喺TVB捱，真系惨罗，搞到税局以为我真系有几千万，人哋铺头系买好多富贵餐，有鲍鱼、鸡鲍翅、炆鹅掌同花胶，咁你会唔会日日都食呢啲?食得多我都死咗，仲边度可以咁精神坐喺度！」程可为谦称自己只不过是一个喜欢享受的人，即使赚了$1,000，都可以大胆食$700：「每个人都有佢哋锺意做嘅事，我身上冇名牌，因为我唔好打扮，我剩系锺意食嘢，冇罪架，而且多数系人哋请我，我好少请人，唔通叫多咗就唔食咩？埋单走喇！我唔得罗，做唔到，亦都有朋友批评我点解要拎走，如果倒咗佢咪好嘥？点解要嘥咗啲嘢？」
【其他文章】：
杨思琦仙气古装回春似18岁！惊见撞样多位女星 网民：净系唔似自己
51岁藤原纪香近照曝光！和服Look仙气逼人超冻龄 曾传唐季礼郭富城为她争风呷醋
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应