鱼头允与「第一代郭靖」白彪属亲兄弟 感谢阿哥带入行：试过一日赚超过十万
2023-01-31 14:05 
人称「鱼头允」的资深演员兼龙虎武师的刘允，入行50年曾经演出过不少电影，虽然大多数只属配角之演出，但因为有一对斗鸡眼而令人留有深刻印象，直到2019年，刘允在第38届电影金像奖获颁「专业精神奖」，当晚才得知他是「第一代郭靖」白彪的亲弟，当年更加是白彪介绍弟弟入行做龙虎武师，高峰期「试过一日赚超过十万」！
【点击睇白彪鱼头允精采演出】：
鱼头允家中有十二名兄弟姊妹，白彪排行第八，刘允则排行第九，他之所以有斗鸡眼，事源于他在一岁时患上脑膜炎，以致高烧抽搐得来。早前鱼头允和白彪齐齐接受好友杨绍鸿为港台主持的节目访问，原来当年白彪带弟弟入行做武师，「武师呢行都好搵，搵到食，60年代，搵70蚊一日，已经好多钱。未入行前，我哋两兄弟喺织布厂做毛衫，搵2、30蚊一日已经好威，我入咗电影行，我叫阿允唔好做织机，跟我入行。」
其后鱼头允由武师跳出幕前，他笑说：「当时有个导演要搵3个对眼都唔同嘅演员，搵咗『大细眼』（宋锦成）、『射篱杜』（杜少明），搵埋我『鱼头允』，但仲争一个，于是搵咗个剧务『射篱深』，我哋4个喺七圣庙一间铺仔拍一场打麻雀嘅戏，有个阿婆一睇就笑，『呢4个人咁得意嘅，打麻雀都唔系望住麻雀枱嘅，你眼望我眼，我眼望你眼。』系咁笑，导演咪觉得得意罗。」结果因为电影大卖，于是继续拍多部：「我同杜少明又拍，射吓射吓！又卖座喎，嗰阵时唔系收好多，1000蚊一日，制片问我片酬收几多，我话2500蚊一日，拍吓拍吓又hit喎，谂谂吓，我再升到5000蚊一日。」鱼头允笑言当时日日有工开，一日拍两组，一日赚一万蚊：「试过一日赚得最多，系超过十万，开工冇得返屋企，咪塞入裤管，搞到只肿晒，剧组啲人以为我整亲，叫我去睇医生。」到了1990年，因没有喜剧再拍，鱼头允返回幕后工作！
提到鱼头允在2019年获得金像奖的「专业精神奖」，白彪大赞弟弟：「佢就威喇，不过佢人缘好，乜都肯做，导演话乜，佢就做乜，佢嘅工作精神又好，人缘又好，所以呢个奖佢攞系ok嘅！我嗰个就系撞彩」刘允笑称自己都不明白为何有奖，但获得同行认同及肯定而感到很开心，当然亦很感谢哥哥带他入行。
【其他阅读】：
45岁连登女神杨卓娜失眠跌Watt现老态？网民吓窒惊叹似64岁杨盼盼
自然系女子旅行丨32D仙气女神著豹纹三点式浸浴画面香艳 户外著bra top玩骑马仔好「动感」
「奀妹」傅天颖再成热话！离婚后曾自杀被爆公园打野战 遭友人骗过百万后于按摩店搵食
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应