麦玲玲爆老公耍「心计」撼赢其他追求者 曾言：你嫁阿边个以后就住屋邨
2023-01-30 16:00 
麦玲玲近日热爆网络，因为她的年轻照突然翻Hit，尤其她的婚纱相更加成为焦点。除了因为她有日本少女气质，激凸上围亦令不少人羡慕！麦玲玲曾笑言这辑年轻照引起网民讨论，有怀疑是老公何德在网上带风向：「我问老公系唔系佢做，佢话无。唔紧要啦，大家开心就好！」提到老公何德，她近日接受一个内地的电台节目访问，大方地提及自己的情史，原来当年何德全凭「攻心计」才成功「抱得玲玲归」！
【点击睇麦玲玲后生索爆相】：
麦玲玲称当时老公何德因为就读电子工程，全班只有两位女同学，认识女性不多，所以经常叫麦玲玲介绍对象，「点知他冇一个成功。」其后麦玲玲身边出现一位靓仔追求者，对方唯一缺点是家境清贫，麦玲玲因而向何德吐苦水后，何德竟出动「攻心计」：「有一日佢开车车我去嗰个男仔屋企楼下，系比较穷嘅屋邨，佢一副戥我唔抵嘅样话，『如果你以后嫁俾阿边个呢，以后你就要住呢啲屋邨啦，喺走廊炒菜、抱住个仔。」
麦玲玲听后当堂被吓窒：「哗，我心入面即刻浮现《狮子山下》个画面，心谂唔系咁惨呀嘛。佢话：『嗱如果你拣我呢，系唔同嘅，起码我有层楼，又有架车，各样嘢都几好呀，咁你可以考虑吓我。』咁衰俾佢吓一吓，佢仲要补咗一两句嘅，佢话『嫁一个男仔，你系嫁俾佢将来，娶一个女仔，你要娶佢现在。』」最终麦玲玲与何德交往一段时间后，感觉他「都Ok喎」便结婚。
不过麦玲玲笑指这只是故事的上半部分，下半部分是当年那位家境一般的靓仔追求者竟然「发咗达」：「证明我系一个好唔现实嘅女仔，当时我系冇睇到人哋系咪搵到钱，或者嫁个有钱人，我真系嗰一刻纯粹锺意，个男仔讲嘢好温柔、好慢。」其后麦玲玲再认真笑说：「其实个性格（靓仔追求者）系唔啱嘅，我拣何德（现任老公）系啱嘅，只不过后尾人哋发咗达啫！」
麦玲玲与何德结婚多年，感情稳定，只是没有子女，她曾说：「我有谂过生，不过年轻嗰阵啱啱系事业冲刺期，专注工作，之后睇相又睇到好多父母子女出现冲突嘅个案，慢慢就冇再谂。」
【其他文章】：
无限超越班｜佘诗曼亲揭与黎姿不和真相 为一个原因拒演奸角15年
「食屎陈师奶」遭同事学生朋友质疑 孙慧莲：系名之嘛，我唔做坏事咪得罗！
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应