网民问身边有冇私楼穷人？ 业主举手自认：层楼只系住纸上富贵｜Juicy叮
2023-01-27 14:50 
无壳蜗牛与业主各有烦恼。有网民在讨论区发帖问「你哋身边有冇『私楼穷人』」？结果不少网民现身说法，讲述业主的贫穷故事。
楼主先行解释，「私楼穷人」——「讲紧佢哋住紧私楼，但真系穷果只，仔女读普通学校，食平民嘢，冇乜去旅行，连补习都唔舍得使果只，名牌又冇乜买，仔女同公屋仔冇分别，连零用钱都唔畀得多果只」。
网民讲述业主的贫穷故事：
回应的网民指，「我明你讲乜，我就系依种人。住私楼，但系只有一层自住，双亲健在都退休无收入，食退休金，无买保险，好惊出大事，所以唔敢洗钱。打份牛工，人工唔高，虽然叫安安乐乐，但系好难储钱，唔可能成日去旅行，无咩闲钱系投资，好难实现阶级超越」。
另有和应的网友指「基本上系住紧大啲屋嘅穷人，叫做有层楼，但层楼只系攞嚟住」。其他回应的网民也自认「私楼穷人」，「我，屋企层私楼供完，其他人以为我屋企有钱，但其实唔系，同紧屋企人住，一样系好悭家」；「我，住紧私楼但穷到燶，餐餐都要自己煮，仲要食cheap嘢」。有人则具体地指出，「食茶餐厅80蚊一个炒饭要谂过先」。
成副身家大部分都系层楼度
有网民坦言「得层楼，又冇乜收入，又唔卖得，生活冇改善过」；「好多呢啲，表面上风光，其实平时一出事就大镬，政府医院有排搞，私人医院唔够钱，觉得有层楼都够，但其实生活冇改善过罗，间屋都唔系装修好靓啦」；「供完楼后生活仲穷过住公屋完全唔出奇；成副身家大部分都系层楼度，纸上富贵」。
另有人指，「唔知楼主点define（定议）穷人，如果纯粹以消费力去判断，我谂大多数住紧旧区，e.g. 土瓜湾、湾仔、北角呢d嘅师奶阿叔都系『穷人』，姐系买餸仲要同个猪肉佬讲价兼搭条葱」。不过，有网民就「穷人」定提反对意见，指「住普通区嘅单橦私楼咪好多依啲人罗，楼又供完，又退埋休，现金流可能唔多，但都叫有几百万资产揸住啦，点都唔算叫做『穷人』啦嘛」。
住屋相关新闻：
•港妈获派元州邨问题单位 因一事终决定放弃
•孝顺女付首期冀买楼予父母养老 惟因后续发展呻蠢
•狗主冀带爱犬租港岛两房单位 预算1.1万列8要求
•菁田邨公屋户一原因拟将单位出租 网民斥「离晒谱」倡举报
有心水清的网民则提醒，「低物欲点同悭同穷，是3样嘢嚟」，「穷系洗唔到钱，悭系唔想洗钱，低物欲系冇需要洗钱」。
还有网民引他人经历指「我识一个人，佢讲紧廿几卅年前已经住紧依家值过亿嘅豪宅。但系一样成日腐乳捞饭，贪平坐叮叮由中西区去北角买餸。啲嘢放坏咗都会照食。穷人都无佢食得咁悭俭。到今日佢啲孙仔女都大晒，佢都系咁样」。
帖文来源：连登讨论区
同场加映：
隔离令撤销后中招点算好？ 7大健康措施建议一帖睇
新冠确诊者隔离令由1月30日起撤销，市民以后一旦核酸检测或快测阳性均无须呈报，也不用隔离，无病徵人士可自由外出或上班。
但患者应跟随港府提出的健康措施建议，包括检测阳性后首5天应时刻佩戴贴面的外科口罩或F94／KN95口罩，并尽量减少与其他人在没佩戴口罩时接触，如同桌用膳等。高危人士或出现明显病徵者则应尽快求医；检测阳性学生不应回校上课；患者可凭注册医生或中医师医生纸请病假。
撤销隔离令安排详情：
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应