渣男的士上怒打女友片疯传！女友遭连环拍打：「你郁手唔觉羞耻咩？」｜Juicy叮

网上今日(21日)有的士车cam片疯传，有渣男怀疑饮醉酒昨晚（20日）在的士上怒打女友，据上传影片的士司机透露，渣男无钱，体贴女友出钱截的士送男友归家，结果在行驶至屯门公路上反遭暴力对待，女友遭连环拍打多次后，高喊：「你郁手唔觉羞耻咩？」

影片全长约5分钟24秒，以一个老虎头像遮蔽女事主样貌，在今日早上在社交平台疯传，从车cam影片中看到，事发时间在昨日(20日)晚上接近午夜12时。

体贴女友出钱截的载渣男回家 反遭暴力对待

发帖者在帖文中表示：「个女朋友见你无钱，搭架的士喺屯门车你出九龙城，你饮大两杯屎水，竟然喺屯公打佢，有个咁既女朋友都唔识珍惜，真系不知所谓。」

【渣男的士上怒打体贴女友｜足本字幕版逐格睇↓↓↓↓】

男友：电话又唔覆，又唔「剩」。

男友：全部block晒我嘅。

男友：我咁坐（做出低头俯伏的坐姿），几X冻呀，咁坐系到。

（女友提的士有车cam）

男友：咪录罗，有乜所谓啫。

男友：司机你po佢上网呀，po佢上网呀。

(中间被剪走)

男友：坐咗几耐，你完全又无。

男友：我真系咁样（再做出低头俯伏的坐姿）。

我钱又无，XXXX(粗口)我又揿唔到机。

男友：又话payme payme，pay咩呀。

男友：我坐咗几X耐呀。

男友：你话payme，乜乜柒柒都ok啦。

男友：如果个个司机xxxxx(收音不清)，我咪大锅，我咩大X锅罗。

男友：跟住然后，你揾个小姐啦，揾个小姐，我打唔到畀你，佢唔X听，打打打。

影片开头看到一名男子不断向女友抱怨久等之苦，「我咁坐（做出低头俯伏的坐姿），几X冻呀，咁坐系到等呀。」未几男子越说越大火气，竟出手拍打女子，拍打期间不时怒喊：「你有无谂过我。」女子被打中有五、六次之多。

男友：（怒喊）咁我点呀？

男友：（不断拍打女友，怒喊）你有无谂过我

男友：（不断拍打女友，怒喊）XXXX(粗口)

男友：（不断拍打女友，怒喊）你有无谂X过我呀

男友：（不断拍打女友，怒喊）你有无X过我

男友：我坐系到几耐呀

男友：成个钟啦

男友：你玩(顾)住玩

男友：几X冻呀

男友：成个钟呀

男友：我等电话打唔到畀你

男友：（拿出电话，读出一堆时间）我都系企系嗰个位

男友：你系到等，你系到等呀。

（男友似想再郁手打女友）

女友：你再打我，我去差馆，信唔信呀你。

女友：司机转头去九龙城差馆呀，唔该。

的士司机：好呀，好呀。

男友：我坐系地下，我无钱......

女友：（大声高喊）无人叫你坐㗎

（男友语塞了数秒，望实女友）女友：（继续大声）你痴线到，倒转演

女友其后在影片中高喊：「你再打我，我去差馆，信唔信呀你。」更即时叫的士司机转去九龙城警署。

女友：真系我嚟接你，你系咪应该求恩呀！

男友：喂......

女友：我边到叫你过嚟啫

女友：我无叫你过嚟㗎

女友：我叫你唔好过嚟，（你话）我过嚟我过嚟

女友：我叫你唔好过嚟㗎

女友：呀先生，你自己睇返信息啦

女友：我叫咗你唔好过嚟㗎

男友：XXXXXXX(声音收不清)

女友：自己搞到自己咁样，仲要懒我

女友：饮醉酒系到发酒癫

男友：你又出去......

女友：我出去又关你咩事啫

男友：你无讲......

女友：我有讲呀，我有讲呀，我有讲呀，你痴X线㗎，你真系，唔系一个正常人嚟㗎，去睇医生啦你。

女友：我一早同你讲去Cherry到啦。

该女友再指责男友「饮醉酒系到发酒癫」，「如果我唔系知道你屋企无钱，我唔嚟接你，你啲咁无赖既人，真系。」「郁手打人......你唔觉得羞耻咩？」男女双方展开激烈争论。

女友：因为你饮醉酒咪唔记得罗。

女友：你系饮醉酒呀，我唔好话畀我听，你一滴酒都无饮呀。

男友：（细声）唔好讲呢样。

女友：我唔同你讲呢样，仲可以讲边样啫。

女友：唔饮酒嗰时，你好正常呀。

女友：依家饮咗酒，成条X呀嘛。

男友：（太细声收音不清）你今日唔使......

女友：你听日先同我再讲啦，你醒咗先啦。

男友：你收皮

女友：我收皮，我实呀......

女友：如果我唔系知道你屋企无钱，我唔嚟接你，你啲咁无赖既人，真系。

女友：郁手打人......你唔觉得羞耻咩？

（男友这时不断低声指骂女友）

女友：我无叫你等㗎，我从头到尾都无叫你等，

女友：我去唔去都唔关你事，

女友：我无叫你入屯门罗，

女友：系你自己一厢情愿入嚟罗

女友：入嚟之后无钱就将个责任推系我身上

女友：乜嘢呀？

女友：点解你会入咗屯门呀？你点解会入咗屯门呀，我问你，你答我啦。

女友：我去边到关你咩事啫

女友：我想去边都得㗎，你唔好掂我呀。

女友：我话畀你听，唔关你事。

女友：你讲乜啫？

女友：我话咗今日，系你失忆咋。

男友未有作声，影片于此结束

网民纷纷批评渣男打女人的行为：「系冻啲，都唔使打人呀。」「咁好既女朋友唔识珍惜。」「打女人点讲都唔啱。」「你无钱，又饮醉酒，女友都唔介意送你返屋企，仲打佢，太过分。」「人渣！」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ