星8卦｜模范夫妻爆离婚！小云出轨发姣派帽 吉仔用成副身家箍煲

娱乐圈好多所谓的「模范夫妻」表面恩爱，其实一早貌合神离，甚至面临「离婚」边缘，「小云」自细恨做明星，储心积虑考入银幕做练习生，可惜生得细粒又成副妹仔格，真系好难出位。但呢个世界，有小姐亦要有丫鬟，小云毕业后对自己一直做绿叶深心不忿，奈何天赋有限，唔到自己唔认命。不过最好彩系因为工作遇到「吉仔」，而吉仔都唔系咁好彩，出道多年都系做三线配角，演技不是不到家，但就欠咗运气。遇到小云之后，知道对方未拍过拖，亦对自己有好感，但自愧事业无成唔敢行多步。小云平时性格内敛，但唔知点解对住吉仔就主动出击，女追男隔重纱，好快两个就拍拖，吉仔亦开始做男主角，而且其中一部剧集有突破，好评如潮。

吉仔觉得小云真系旺自已，提出一齐同居，小云以为米已成炊，点知吉仔一直怕畀承诺，拖咗足足几年，由于小云想结婚，终于谂到自残呢招，迫吉仔乖乖就范。有时夹硬得到又未必好，小云婚后即刻生几个，吉仔亦尽好老窦责任，非常顾家，挂住搵食，谂住小云一直系好女人格局，咁恨结婚生埋细路自然埋街食井水安安份份，令自己无后顾之忧。

点知小云婚后觉得好闷，趁带细路返学期间走去上兴趣班，因为好多同学，令小云增加社交机会，发觉外面的世界多姿多采。同时遇上一个「读书人」发力狂追，小云的感情世界一向dry爆，有人追当自己公主咁招呼，自然春心荡漾，话咁快就对吉仔无晒feel，当然无feel，而小云决定一搏，单方面入纸申请离婚，杀吉仔一个措手不及，依家正用尽方法，包括畀晒副身家，希望挽回小云变咗嘅心，如果倾唔掂数，呢对模范夫妻离婚真系会震惊全个娱乐圈。

 

【其他文章】：

万千星辉颁奖典礼2022丨陈贝儿冧庄获最佳女主持：我要话畀大家听我系一个港女

万千星辉颁奖典礼2022丨曾志伟亲领「最佳综艺节目」奖 钱嘉乐感激获提拔由龙虎武师变主持

万千星辉颁奖典礼2022丨郭柏妍入行两年获女飞跃 哽咽多谢胡定欣：我会记住带粉饼

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ