独家丨沈震轩计划求婚迎娶陈欣妍 签英皇望多留港陪女友

近年主力在内地发展的沈震轩（Sammy），早前宣布加盟英皇娱乐，他不讳言因疫情近3年都少返港，怕长此下去会跟拍拖5年的女友陈欣妍（Shirley）情变，决定签新公司望多留港工作。39岁的他又冧爆话29岁的 Shirley虽然细他一截，但令他转变很大，故已认定女方为终身伴侣，更已计划求婚。采访：杜杜 发型:kel@HH场地:Mustard Seed Co-Working Space

Sammy签约新公司后，希望有更多电影演出机会。

Sammy甫签约便有机会参与英皇电影《冲锋》，跟吕良伟、安志杰和张继聪等人合作。

签约英皇前，Sammy已约满邵氏一段时间，「嗰时主要喺内地工作，咪试吓自己搞，有好有唔好，冇公司好多嘢可以快手啲直接决定，但系又冇咗个后盾，有好多机会倾倾吓就冇下文。」刚巧年前他跟锺欣潼合作网络电影《封神：妲己》时，跟英皇的工作人员认识，「咁啱我前排返香港，佢哋就问我有冇兴趣倾吓，觉得大家嘅谂法几似，就决定合作。」

 

早前TVB剧《超能使者》，Sammy亦有份演「威仔」一角。

Sammy跟锺欣潼合作网络电影《封神：妲己》，成为跟英皇合作契机。

女友改变执着性格

Sammy决定未来多留香港，除了正计划跟朋友合资开设健身及美容中心外，还有近年实在太少时间陪Shirley，「我呢3年1年先返得嚟1个月度，又要佢一个人打理晒间屋，都真系几吃力，我再唔返真系情变㗎啦！」这次见Sammy明显变得开朗及健谈，他就赞是Shirley的功劳，「虽然我成日话佢蠢，佢又细过我，但系佢谂嘢可能冇我咁复杂，反而会更加轻松，令我个人都冇咁执着。」

Sammy在内地剧接剧，除了演出古装，亦有参演时装作品《荒漠异形》。

Sammy在内地除了演戏，还有不少商演工作搵真银。

一直热衷玩健身的Sammy，屋企亦打造了一个私人健身房。

 Shirley令Sammy的转变，就连对事业的追求都有所不同，签新公司后也不一定要当主角，「以前可能会紧张系咪主角，𠵱家真系冇所谓，主角配角都可以有发挥空间，公司话我呢个年龄层，会有好多角色需要，自己都想演多啲唔同角色。」开口埋口都赞Shirley，Sammy承认已认定对方为终身伴侣，但他未敢讲定结婚计划，他笑言：「我仲未求婚，唔可以咁快讲定结婚啲嘢，但求婚系会计划吓嘅。」5月便踏入四字头，问Sammy会否双喜临门，老衬和老窦一齐做？他就话唔心急生BB，「两个人生活吓先，Shirley仲后生，可以再做啲自己想做嘅嘢先。」

Sammy和Shirley拍拖5年，一直感情稳定。

 

新网站 www.stheadline.com 已推出